Qazaqstan Premer-lıgasy: «Aqtóbe» jańa bapkerimen alǵashqy jeńisine qol jetkizdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 20-týry máresine jetti.

Bul týrda úzdik úshtikte kele jatqan upaı joǵaltqan joq. «Aqtóbe» komandasy óz alańynda Taldyqorǵannyń «Jetisý» komandasyn qabyldady.

Ótken aptada bas bapker qyzmetine taǵaıyndalǵan ýkraınalyq maman Igor Leonov alǵashqy oıynynda jeńiske jetti. Komanda sapynan Freddı Gondloa 36, Estefano Jaıro Jan 44-mınýtta gol soqsa, 75-mınýtta Álibek Qasym qorytyndy esepti belgiledi. Osylaısha «Aqtóbe» qarsylasynan 3:0 esebimen basym túsip, týrnır kestesinde birinshi orynǵa kóterildi.

Al, shymkenttik «Ordabasy» men «Atyraý» kezdesýi taǵdyryn bir ǵana gol sheshti. Ony shymkenttik klýbtan Ashat Taǵybergen 22-mınýtta óziniń enshisine jazdy.

Qarsylasyn 1:0 esebimen tize búktirgen «Ordabasy» úzdik úshtikti túıindep tur.

Kezdesýde «Elimaı» 2:1 esebimen basym túsip, týrnır kestesinde birinshi orynǵa kóterildi.

Al 14 qyrkúıekte elordalyq «Jeńis» Qyzylordanyń «Qaısaryn» 1:0, «Astana» petropavldyq «Qyzyljardy», túrkistandyq «Turan» Qaraǵandynyń «Shahterin» 2:1 esebimen jeńdi.