Qazaqstan Premer-Mınıstri Reseıdiń Orynbor oblysyna bardy
Sapar aıasynda Kárim Másimovtiń Orynbor oblysynyń gýbernatory ıÝrıı Bergpen kezdesýi josparlanǵan. Shekara mańy yntymaqtastyǵy máseleleri boıynsha kezdesýge eki memlekettiń memlekettik organdary, qoǵamdyq uıymdary jáne iskerlik toptarynyń ókilderi qatysady.
Málim bolǵandaı, 12 tamyzda Eýrazııalyq úkimetaralyq keńes otyrysy aıasynda Qazaqstan Premer-Mınıstri K. Másimovtiń Reseı Federatsııasynyń Úkimeti Tóraǵasy D. Medvedevpen ekijaqty kezdesýi ótti, onyń barysynda ekonomıkalyq problemaǵa, shekara mańy yntymaqtastyǵy máselelerine, transshekaralyq sýmen qamtamasyz etý taqyrybyna basa nazar aýdaryldy. Birqatar máseleler boıynsha olardy birigip sheshý jóninde túbegeıli kelisimderge qol jetkizildi.
Sapar barysynda K. Másimov «Orynbor gaz óndirý» gaz óńdeý zaýytyn, sondaı-aq birqatar mádenı-tarıhı nysandardy, Orynbor oblysynyń Memlekettik muraǵatyn aralaıdy.
Orynbor oblysy - RF Edil mańy federaldy okrýginiń quramyna kiretin Reseı Federatsııasynyń eń iri aımaqtarynyń biri. Aımaǵy - 124 myń sharshy km, halqy - 2 033,1 myń adam.
Oblys soltústiginde Tatarstanmen, Bashqurtstanmen jáne Chelıabi oblysymen, shyǵysy men ońtústiginde - Qazaqstanmen, batysynda - Samara oblysymen shekaralasady.
Qazaqstan Respýblıkasymen memlekettik shekarasynyń uzyndyǵy 1 876 km quraıdy.
