Qazaqstan Premer-Mınıstri QR Úkimeti janyndaǵy Ekonomıkalyq keńesshiler keńesiniń kezekti otyrysyn ótkizdi

dep habarlaıdy Úkimettiń baspasóz qyzmeti.

Keńes otyrysynda professor, ekonomıka ǵylymdarynyń doktory Arystan Esentúgelovtiń «Qazaqstandyq ekonomıkany daǵdarystan keıin jetildirý startegııasy» taqyrybyndaǵy baıandamasy tyńdalyp, talqyǵa salyndy. Baıandamada el ekonomıkasynyń qazirgi jaǵdaıyna baǵa berilip, el ekonomıkasyn úlgilendirý jáne onyń básekege qabilettiligin arttyrýǵa qajetti sharalar boıynsha usynystar berilgen.

Baıandamany talqylaýǵa QR Bilim jáne ǵylym mınıstrligi Ekonomıka ınstıtýtynyń dırektory Orazaly Sábden, Qoǵamdyq problemalardy saraptaý ortalyǵynyń dırektory Merýert Mahmutova, «Turan» ýnıversıtetiniń rektory, ekonomıka ǵylymdarynyń doktory Rahman Alshanov, Ekonomıkalyq jáne qarjylyq tolqýlardy erterek anyqtaý ortalyǵynyń dırektory Sara Alpysbaeva jáne Qazaqstan-brıtan Tehnıkalyq ýnıversıtetiniń ekonomıka kafedrasynyń meńgerýshisi Nurlan Nurseıit pen ózge de bilikti mamandar qatysty.

Úkimetten Keńes otyrysyna QR Premer-Mınıstriniń orynbasary Erbol Orynbaev, Qarjy mınıstri Bolat Jámishev, Indýstrııa jáne jańa tehnologııalar birinshi vıtse-mınıstri Albert Raý, Ekonomıkalyq damý jáne saýda vıtse-mınıstri Marat Qusaıynov, Aýyl sharýashylyǵy mınıstrliginiń jaýapty hatshysy Evgenıı Aman qatysty.

Ekonomıkalyq keńesshiler keńesi QR Premer-Mınıstri K.Másimovtyń bastamasymen kókeıkesti áleýmettik-ekonomıkalyq máseleler boıynsha belgili qazaqstandyq sarapshylarmen keńester uıymdastyrý maqsatynda 2008 jyldyń qarasha aıynda quryldy.