Qazaqstan Premer-Mınıstri Iranǵa barady

ASTANA. QazAqparat - 2023 jylǵy 26 sáýirde Qazaqstan Premer-Mınıstri Álıhan Smaıylovtyń Iran Islam Respýblıkasyna sapary ótedi. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

Bul sapar Iran jaǵynyń shaqyrýy negizinde uıymdastyrylmaq.

«Sapar baǵdarlamasyna sáıkes, Iran prezıdenti Ibrahım Raısımen jáne Irannyń birinshi vıtse-prezıdenti Mohammad Mohbermen kezdesýler josparlanǵan», - dedi A. Smadııarov elordada ótken baspasóz máslıhatynda.

Onyń aıtýynsha, sapar aıasynda Iran Islam Respýblıkasyna Qazaqstannyń saýda-ekonomıkalyq mıssııasy uıymdastyrylady. Sonymen qatar birqatar vedomstvoaralyq memorandým men bıznes kelisimsharttarǵa qol qoıylmaq.