Qazaqstan premer-lıgasynda 12 komanda oınaıtyn boldy
ASTANA. QazAqparat - 23 jeltoqsan kúni Qazaqstan Kásipqoı fýtbol lıgasynyń jalpy jınalysy ótip, onda birqatar mańyzdy máseleler talqylandy, dep habarlaıdy QazAqparat sportsffa.kz saıtyna silteme jasap.
Eń bastysy, premer-lıgada 12 komanda qalatyn boldy. Qazaqstan premer-lıgasyndaǵy fýtbol klýbtarynyń basshylary bas qosqan jalpy jınalystaǵy eń mańyzdy máseleniń biri eń joǵarǵy tobymyzdaǵy komandalar sany edi. Ony 14 nemese 16 klýbqa deıin kóbeıtý máseleleri talqylanǵan. Alaıda, Qazaqstan premer-lıgasynda sol burynǵysynsha 12 komanda qalatyn boldy. Tek sońǵy jyldardaǵydaı eki aınalymnan keıin bul komandalar qos altylyqqa jiktelmeıdi.
2017 jyly el birinshiligi úsh aınalymdyq júıemen ótkiziledi. Alǵashqy eki aınalymda barlyq komandalar úıde jáne túzde júıesimen oınaıdy. Al úshinshi aınalymdaǵy matchtar Berger kestesi boıynsha qurastyrylady.
Elimiz premer-lıgasyndaǵy fýtbol klýbtarynyń basshylary qabyldaǵan sheshimder Qazaqstan fýtbol federatsııasynyń Atqarý komıtetiniń qaraýyna jiberildi. Sonymen qatar, 1 qańtardan bastap 3 sáýirge deıin - transferlik kezeń mezgili bekitildi.
