Qazaqstan Premer-Lıgasy: «Qaırat» - «Ertis» 1:0
ALMATY. QazAqparat - Almatynyń Ortalyq stadıonynda fýtboldan Qazaqstan Premer-Lıgasynyń 11-shi týry aıasynda «Qaırat» fýtbol komandasy men Pavlodardyń «Ertis» fýtbol klýbynyń kezdesýi aıaqtaldy. Asa tartysty ótken matchta almatylyqtar qarsylastaryn 1:0 esebimen jeńdi.
Komandalar jasyl alańǵa mynadaı quramda shyqty:
«Qaırat» FK: Vladımır Plotnıkov, Ermek Qýantaev, Tımýr Rýdoselskıı, Jarko Markovıch, Lýkash Tesak, Anatolıı Tımoşýk, Mıhaıl Bakaev, Islambek Qýat, Baýyrjan Islamhan, Isael Barboza, Jerar Goý.
Zapastaǵylar: Andreı Sıdelnıkov, ıAn Vorogovskıı, Aslan Darabaev, Stanıslav Lýnın, Gael Tavamba, Rıfat Nurmuǵambet, Dilshat Musaev, Andreı Arshavın.
«Ertis» FK: Davıd Lorııa, Tomash Jırsak, Karlos Fonseka, Georgas Freıdgeımas, Semır Kerla, Oýsman Djalloý, Piráli Álıev, Rýslan Esimov, Eldos Ahmetov, Roman Murtazaev, Sergeı Malyı.
Zapastaǵylar: Anton Tsırın, Gogıta Gogýa, Ignasıo Errera Fernandes, Baıe Djıbı Fal, Grıgorıı Sartakov, Qazbek Geterıev, Álibek Aıaǵanov, Vladımır Vomenko, Artem Popov.
Oıyn bastala salysymen alań ıeleri, jankúıerlerdiń qyzý qoldaýymen oıyn tizginin óz qoldarynda ustap, batyl shabýylǵa kóshti. «Qaırattyqtar» qarsylastardyń qaqpasyn aıyp alańynyń syrtynan nysanaǵa alýǵa tyrysty. Osyndaı alma-kezek shabýyldardyń biri sátti aıaqtaldy. Oıynnyń 21-shi mınýtynda Jerar Goý qarsylastardyń aıyp alańynyń syrtynan Isael Barbozaǵa tamasha pas berdi. Aıyp alańyna enteleı kirgen Isael eki qorǵaýshyny jáne qaqpashyny aldap ótip esep ashty. Birinshi taım osyndaı eseppen aıaqtaldy.
Oıynnyń ekinshi kezeńinde «qaırattyqtar» shabýyldy barynsha údetti. Degenmen, ol nátıje bermedi. Qonaqtar da qapysyn taýyp qarymta shabýyl uıymdastyrýǵa tyrysyp baqty. Bul jerde qaqpashylardyń sheberligin aıta ketken jón. Plotnıkov ta, Lorııa da qaqpaǵa tebilgen doptardy darytpaýǵa bar kúshterin saldy.
Oıynnyń 89-shy mınýtynda alańǵa shyqqan Andreı Arshavın alań ortasynan aıyp alańyna qaraı Isaelge tamasha pas bergen edi, alaıda qaqpashynyń aldyna jeke-dara shyqqan ol, múlt ketti. Artynsha, «Qaırat» komandasynyń qaqpashysy Plotnıkov serpile umtylyp, qaqpany goldan saqtap qaldy. Oıynnyń 90-shy mınýtynda «Ertis» komandasynyń jartylaı qorǵaýshysy Sergeı Malyı dóreki oıyny úshin alańnan qýyldy.
Ekinshi taımda esep ashylmady.
«Qaırat» komandasy 1:0 esebimen jeńiske jetti.
