Qazaqstan Premer-Lıgasy: eń úzdik gol anyqtaldy
ASTANA. QazAqparat - Qazaqstan kásipqoı fýtbol lıgasy ótken maýsymnyń «Eń úzdik golyn» anyqtady, dep habarlaıdy «QazAqparat» HAA tilshisi pflk.kz saıtyna silteme jasap.
Saýalnama 10 kún boıy áleýmettik jelilerde júrdi. Tıisinshe, jeli tutynýshylary 10 goldyń ishindegi úzdigin tańdady.
Daýys berý nátıjesi boıynsha, «Aqtóbe» komandasynyń shabýylshysy Igor Zenkovıchtiń goly ozyq shyqty.
Eske salsaq, ol chempıonattyń 18-týrynda Dýshan Savıchtiń pasynan soń «Shahter» qaqpasyna ókshesimen ádemi gol engizgen edi. Sondaı-aq, úshtikke almatylyqtar - Andreı Arshavın men Islambek Qýattyń soqqan doptary kirdi.
Jalpy, 2017 jylǵy Qazaqstan chempıonatynyń úzdik goldary tómendegideı:
1. Igor Zenkovıch, «Shahter» - 2 698 upaı
2. Andreı Arshavın, «Qaırat» - 2 496
3. Islambek Qýat, «Astana» - 942
4. Jýnıor Kabananga, «Astana» - 586
5. Georgıı Jýkov, «Aqtóbe» - 564
6. Magomed Paragýlgov, «Qaırat» - 501
7. Pablo Fontanello, «Ordabasy» - 420
8. Egon Výh, «Tobyl» - 392
9. Baýyrjan Islamhan, «Qaırat» - 333
10. Isael Barboza, «Aqjaıyq» - 309.
