Qazaqstan Premer-lıgasy: El birinshiligi máresine jetti

Búgin el birinshiliginde alty komanda oınady. Olardyń barlyǵy bir ýaqytta bastaldy. Atap aıtqanda, «Jetisý» men «Aqjaıyq», «Tobyl» men «Qyzyljar», «Astana» men «Ertis», «Aqtóbe» men «Qaısar», «Ordabasy» men «Atyraý», «Qaırat» pen «Shahter» komandalary ózara kezdesti.

Qazaqstan Premer-lıgasynda úzdik úshtikke ilikkender birer týr buryn anyqtalyp qoıǵan edi. Esesine, bıyl birinshi lıgaǵa túsetin ekinshi komanda men birinshi topta úshinshi oryn alǵan klýbpen pleı-off oıynyn ótkizetin ujym sońǵy týrǵa deıin anyqtala qoıǵan joq. Sondyqtan aldymen sol komandalar jaıynda toqtala ketkenimiz artyq bolmas.

Oraldyń «Aqjaıyǵy» týrnır kestesinde eń sońǵy oryndy ıelendi. Olardyń keler jyly birinshi lıgada synǵa túsetini eki týr buryn belgili boldy. Olar sońǵy týrda Taldyqorǵanda «Jetisý» komandasymen kezdesti. Alǵashqy eki goldy alań ıeleri soqty. «Jetisý» sapynan 6-mınýtta Erkin Tapalov, 68-mınýtta Almır Mýhýtdınov qanjyǵasyn maılasa, oǵan 80-mınýtta «Aqjaıyq» oıynshysy Malık Mane jaýap qaıyrdy. Qorytyndy esepti taldyqorǵandyq Sabyrhan Ibraev 90-mınýtta belgiledi. Esep - 3:1. «Jetisý» jeńiske jetti.

Tómengi topqa Petropavldyń «Qyzyljary» da túsip qaldy. Ústimizdegi jyly ǵana birneshe jyldyq úzilisten keıin qaıta oralǵan «Qyzyljar» dop dodasy barysynda táp-táýir oıyn órnegin kórsetken edi. Soǵan qaramastan qajetti upaı qoryn tolyqtyra almady. Sonyń saldarynan tómengi topqa tústi. Olar sońǵy týrda jeńiske jetken jaǵdaıda óz ornyn saqtap qalar edi. Degenmen olar Qostanaıda «Tobylmen» kezdesýde óz qaqpasyna jaýapsyz úsh gol jiberip aldy. Ony «Tobyl» sapynan 2-mınýtta Nıka Kvekveskırı, 56-mınýtta Maksım Fedın, 83-mınýtta Nurbol Jumasqalıev soqty. «Tobyldan» 0:3 esebimen jeńilgen «Qyzyljar» tómengi topqa túsip qaldy.

Birinshi lıgada úshinshi oryn alǵan komandamen pleı-off oıynyn Pavlodardyń «Ertisi» ótkizetin boldy. «Ertis» sońǵy týrda syrt alańda «Astanadan» 0:4 esebimen oısyraı jeńildi. «Astana» sapynan Marın Tomasov 21, 64, 68 mınýtta het-trık jasasa, oǵan 51-mınýtta Rangelo ıAnga bir gol qosty. «Astana» eki kún buryn Eýropa lıgasy toptyq kezeńinde qz alańynda Chehııanyń «ıAblonetsten» 2:1 esebimen basym túsken edi. Endi «Ertis» birinshi topta úshinshi oryn alǵan Shymkenttiń «Qyran» komandasymen sheberlik baıqasady. Ol kezdesýler 16 jáne 20 qarasha kúnderi ótedi.

Qyzylordanyń «Qaısary» sońǵy tórt týrda birde-bir upaı shashaý shyǵarǵan joq. Sondaı-aq, óz qaqpasyna gol soqtyra qoımady. Sońǵy týrda olar syrt alańda «Aqtóbeni» 2:0 esebimen tize búktirdi. «Qaısar» sapynan 17, 35-mınýttarda Igor Zenkovıch gol soǵyp, óz komandasyna jeńis syılady. Osynyń nátıjesinde «Qaısar» birinshilikti bestikte aıaqtasa, «Aqtóbe» jetinshi orynǵa syrǵydy.

Almatyda «Qaırat» Qaraǵandynyń «Shahterimen» 0:0 esebimen teń tústi. Atalmysh kezdesýde esimi álemge belgili fýtbolshy Andreı Arshavın almatylyq klýb sapyndaǵy sońǵy oıynyn ótkizdi. «Shahter» teń nátıjeniń arqasynda segizinshi orynǵa kóterilip, tómengi topqa túsip qalý qaýpinen qutylyp ketti.

Shymkentte «Ordabasy» «Atyraý» komandasyn 1:0 esebimen jeńdi. Bul gol 15-mınýtta Merzad Mehanovıchtiń enshisine jazyldy. Shymkenttik klýb keler jyly eýrokýbok oıyndarynda synǵa túsýi yqtımal. Qazaqstan kýbogynda «Qaırat» pen «Atyraý» sheberlik baıqasady. Onda almatylyqtar jeńiske jetse, eýrokýbok oıyndarynyń joldamasy «Ordabasyǵa» beriledi. Al kýbok básekesinde «Atyraý» jeńiske jetse, joldama atyraýlyq ujymǵa buıyrady.

Qazaqstan kýbogynyń fınaly 24 qarashada ótedi.