Qazaqstan Premer-Lıgasy 6-shy týrynyń qorytyndy oıyndary
ASTANA. QazAqparat - Qazaqstan Premer-Lıgasy 6-shy týrynyń aıasyndaǵy kezdesýler barysynda «Astana» óz alańynda qostanaılyq «Tobyl» fýtbol komandasynan sál ǵana basymdyqpen jeńiske jetse, kókshetaýlyq «Oqjetpes» qaraǵandylyq «Shahter» komandasyna qonaqqa baryp, mereıi ústem boldy.
Al pavlodarlyq «Ertis» bolsa «Aqtóbemen» teń oınady, dep jazady sports.kz.
Premer-Lıga
6-shy týr, 17 sáýir
«Ordabasy» - «Qaırat» 1:0 (0:0)
Gol: Kasalıtsa 54 (1:0)
Bul týrdaǵy eń qyzyqty kezdesýlerdiń biri Shymkentte ótýi tıis sııaqty edi. Alaıda, alǵashqy taımda komandalar jankúıer kútken qyzyqty sátterdi kórsete almady. Kezdesýdiń alǵashqy kóliginde bir-biriniń qaqpasyna tóngen qaýipti sátter bolmady desek te artyq emes. 15 mınýttyq úzilisten keıin jasyl alańǵa qaıda shyqqan komandalardyń boıynan jeńiske degen umtylystyń lebi bilingendeı. Soǵan saı kórermenniń kóńilinen shyqqan qyzyqty sátter de órbidi. Urymtal tusta dopqa ıelik etken ordabasylyq Fılıp Kasalıtsa «Qaırat» qaqpashysy Vladımır Plotnıkovpen betpe-bet kelip, óz múmkinshiligin jibermedi. Aıta keterligi, almatylyqtardyń sapynda bul joly túrli sebeptermen Brýno Soares, Baýyrjan Islamhan jáne Jerara Goý oınaǵan joq.
«Shahter» - «Oqjetpes» 0:1 (0:1)
Gol: Chıjov 31 (0:1)
Kókshetaýlyq «Oqjetpes» komandasy jeńisti jolyn senimdi jalǵastyrý ústinde. Bul joly olar Temirtaýda ótken kezdesýde Qaraǵandynyń «Shahterin» súrindirdi. Oıyn barysyndaǵy Aleksandr Chıjoktyń soqqan jalǵyz goly kókshetaýlyqtardyń úsh upaı enshileýine múmkindik berip otyr.
«Astana» - «Tobol» 1:0 (1:0)
Gol: Arýna 32 (1:0)
Al elordanyń «Astana» komandasy qostanaılyq «Tobylmen» kezdesinde Arýna Lýmannyń 32-shi mınýtta soqqan golynyń esebinen alǵa shyqty.
«Jetisý» - «Taraz» 2:1 (0:0)
Goldar: Savıch 47 (1:0), Sımonovskı 58 (2:0), Mane 65 (2:1)
Bul oıynda taldyqorǵandyq «Jetisý» komandasy osy maýsymdaǵy alǵashqy jeńisine qol jetkizdi.
«Atyraý» - «Akjaıyk» 2:0 (2:0)
Gol: Shabalın 3 (1:0), Trytko 19 (2:0)
Áýpirimdep júrip «Atyraý» da óziniń úsh upaıyna qol jetkizdi. Birden aıta keterligi, atyraýlyqtar úshin Oraldyń «Aqjaıyǵyna» qarsy oınaý ońaıǵa soǵa qoıǵan joq. Alaıda, oıyn taǵdyryn birinshi taımnyń 3-shi mınýtynda Shabalın, odan keıin 19-shy mınýtta Trytko soqqan dop sheship qoıǵan edi.
«Aqtóbe» - «Ertis» 1:1 (0:1)
Gol: Gogýa penaltıden 22 (0:1), Smaqov penaltıden 86 (1:1)
Óz alańynda pavlodarlyq «Ertis» komandasyn qabyldaǵan «Aqtóbeniń» aıy ońynan týmady. Tartysy ótken kezdesý barysynda eki komanda da aıyp dobyn soǵý arqyly ǵana nátıje kórsetti. Aıta keterligi, pavlodarlyq kelesi týrda «Astana» komandasyn qabyldaıtyn bolady.
