Qazaqstan Premer-lıgasy 23-shi týry oıyndarynyń bastalatyn ýaqyty belgili boldy
ASTANA. 14 tamyz. QazAqparat - Fýtboldan Kazaqstan Premer-lıgasynyń 23-shi týry 17 jáne 18 tamyzda ótedi, dep habarlaıdy Vesti.kz.
El birinshiliginiń ekinshi kezeńindegi alǵashqy match 17 tamyzda elordada ótedi. «Astana» óz alańynda qaraǵandylyq «Shahterdi» qabyldaıdy. Oıynnyń bastalýy 17.00-de.
Shymkentte jergilikti «Ordabasy» men týrnırlik kestede kósh basynda kele jatqan «Aqtóbe» arasyndaǵy oıyn saǵat 17:30-da bastalady
18 tamyz kúni taǵy tórt kezdesý ótedi. Qostanaılyq «Tobyl» taldyqorǵandyq «Jetisýdi» qabyldasa, al óskemendik «Vostok» «Tarazben» synǵa túsedi. Eki oıyn da saǵat 17:00-de bastalady.
«Atyraý» pen oraldyq «Aqjaıyq» arasyndaǵy oıyn saǵat 19:00-de, al almatylyq «Qaırat» pen pavlodarlyq «Ertis» matchy saǵat 19:30-da bastaý alady.
Esterińizge sala keteıik, alǵashqy kezeńnen keıin 24 upaımen «Aqtóbe» top bastap tur. Ekinshi jáne úshinshi oryndarǵa jaıǵasqan «Astana» men «Shahterdiń» úsh upaıy kem.
