Qazaqstan pravoslavtyq shirkeýiniń basshysy el halqyn 1 mamyr merekesimen quttyqtady

«Qurmetti Qazaqstan Respýblıkasynyń azamattary! Sizderdi Qazaqstan halqynyń birligi kúnimen quttyqtaımyn! Táýelsizdik jyldarynda bul meıram bizdiń kópultty qoǵamymyzdyń keremet dástúri retinde asqaqtap, beıbitshilik pen kelisimniń jarqyn úlgisine aınaldy.

Qazaqstan halqyna arnaǵan Joldaýynda Ult kóshbasshysy asa qadirmendi Nursultan Ábishuly Nazarbaev bizdiń Respýblıkamyzdyń damý jolyn anyqtap berip: «Azamattyq qoǵam jáne ultaralyq kelisim - bizdiń basty qundylyǵymyz. Beıbitshilik pen kelisim, mádenıetter men dinder únqatysýy bizdiń kópultty elimizde álemdik etalon retinde tanylýy zańdy», - dep atap ótken», - deıdi mıtropolıt óz quttyqtaýynda.

Onyń aıtýynsha, Ulttar birligi kúni Qazaqstandy ortaq úıi dep biletin 140 ulys ókilderi kórme, kontsert, konferentsııalar sııaqty saltanatty sharalar arqyly birlik pen tatýlyqtyń ozyq úlgisin kórsetýde.

«Úlken qalalarda, aýyldarda dúrkireı toılanatyn bul mereke ortaq Otanymyzdyń irgesin qalaýda azamattarymyzdyń baýyrmaldyq sezimderi men syılastyǵyn bekite túsedi. Pravoslavtyq Shirkeý dástúrli Islam dinimen qatar Qazaqstanda birlik pen tatýlyqtyń keń qanat jaıýyna az úlesin qosqan joq jáne HHІ ǵasyrda da bul izgi qyzmetin odan ári jaqsarta beredi.

Osynaý mereke kúni barlyqtaryńyzǵa densaýlyq, baqyt, ashyq aspan jáne tabysty eńbek tileımin!», - deıdi mıtropolıt Aleksandr.