Qazaqstan postkeńestik keńistikte dári aınalymyn qatań retteýshi júıesi bar birinshi el bolady
ASTANA. KAZINFORM — Densaýlyq saqtaý mınıstri Aqmaral Álnazarova Úkimet otyrysynda dári aınalymyn qatań retteý 2026 jyly kúsheıtiletinin aıtty.
— Elde óndiriletin dárilik zattardyń eksporttyq áleýeti men sapasyn arttyrý úshin Dúnıejúzilik densaýlyq saqtaý uıymynyń jahandyq benchmarkıng quraly boıynsha Ulttyq retteý júıesiniń jetilýiniń 3-shi deńgeıine qol jetkizý qajet. Bıyl júrgizilgen baǵalaýǵa sáıkes DDU sarapshylary 8 ındıkator boıynsha joǵary baǵa berdi, — dedi mınıstr.
Aqmaral Álnazarova bul Qazaqstanǵa ne beretinin aıtty.
— 2026 jyldyń birinshi jartyjyldyǵynda jetilýdiń 3 deńgeıin moıyndaýdy rastaý josparlanyp otyr. Qazaqstan postkeńestik keńistikte qatań retteýshi júıesi bar birinshi el bolady, — dedi vedomstvo basshysy.
Buǵan deıin mınıstrlik sońǵy 5 jylda elimizden 2,5 myń dáriger shetelge jumys isteýge ketkenin habarlaǵan edi.