Qazaqstan poshtasyna 25 jyl: Merekelik markalar aınalymǵa shyqty
Saltanatty rásimge qatysqan QR Aqparat jáne kommýnıkatsııalar mınıstri Dáýren Abaev poshta qyzmetkerlerin quttyqtady.
«Barshańyzdy búgingi poshta kúnimen jáne mereıtoılaryńyzben shyn júrekten quttyqtaımyn. Bul - shyn máninde tamasha mereke. Sizder - tarıhy men ózine saı dástúri qalyptasqan uıym qura bildińizder. 25 jylda úlken belesti baǵyndyrdyńyzdar, zaman talabyna saı ózgerdińizder. Tsıfrlandyrý dáýirinde tsıfrlyq poshtany iske qostyńyzdar. Keleshekte de eńbekterińizge tabys tileımin», - dedi mınıstr.
Óz kezeginde «Qazposhta» AQ basqarma tóraǵasy Sáken Sársenov poshta qyzmetkerlerine jáne mınıstrlikke alǵys bildirdi.
«Búgin - dúnıejúzilik poshta uıymynyń kúni jáne Qazaqstan poshtasynyń 25 jyldyq mereıtoıy. Osy markalar jaı dúnıe emes, maqtan tutar nyshandarymyz. 23 myńnan astam poshta qyzmetkerlerin aıtýly kúnmen quttyqtaımyn. Bizdiń bolashaqta atqarar isterimiz kóp», - dep atap ótti «Qazposhta» AQ tóraǵasy.
Aınalymǵa shyǵarylǵan tórt markada Qazaqstan poshtasynyń jarqyn sátteri beınelengen: Táýelsiz Qazaqstannyń tuńǵysh markasy - Altyn adam, Qazaqstandaǵy birinshi poshta telegraf-keńsesi, poshtanyń qazirgi kelbeti jáne «Bolashaq poshta balalar kózimen» markalary.
Shara sońynda mınıstr Dáýren Abaev pen «Qazposhta» AQ basqarma tóraǵasy Sáken Sársenov, ardager poshtashy Svetlana Tsvetova jáne jas poshtashy Álisher Satybaldın jańa poshtalyq markalarǵa shtempeldik belgi qoıdy.
