Qazaqstan Portýgalııada fýtzaldan ótken týrnırdi jeńip aldy
ASTANA. QazAqparat – Fýtzaldan Qazaqstan chempıony almatylyq «Qaırat» komandasy Portımanda (Portýgalııa) ótken Record International Masters Cup halyqaralyq týrnıriniń sheshýshi matchynda portýgalııalyq «Brago» komandasyna qarsy oınady, dep habarlaıdy QazAqparat Sports.kz saıtyna silteme jasap.
«Qaırat» «Bragany» oıyn sońynda salynǵan Dener Rodrıgonyń golynyń arqasynda jeńdi.
Osylaısha, almatylyq klýb toptyq kezeń formatynda ótken týrnırdiń jeńimpazy atandy.
Oǵan deıin «Qaırat» osy týrnırde taǵy eki portýgalııalyq komandamen oınap, onda da jeńiske jetti. Aldymen almatylyqtar lıssabondyq «Sportıngpen» oınap, olardy 6:3 esebimen jeńdi. Goldy «Qaırat» komandasynan Edson (2), Kaıo Rýıs, Dáýren Tursaǵulov, Dener men Alısson saldy.
Budan soń almatylyqtar taǵy bir lıssabondyq «Benfıka» komandasyna qarsy shyqty. Bul oıynda da «Qaırat» 5:2 esebimen senimdi túrde jeńiske jetti. Goldy Kaıo Rýıs (2), Dener (2) jáne Aleks Vıana saldy.
