Qazaqstan polıtsııasy robot-ıt pen smart-beıdj múmkindikterin kórsetti
ASTANA. KAZINFORM — QR ІІM Kambodja ІІM delegatsııasyna zamanaýı tsıfrlyq sheshimderdi tanystyrdy.
Qazaqstan Respýblıkasy Іshki ister mınıstrliginiń Basqarý akademııasynda Kambodja Іshki ister mınıstrliginiń delegatsııasyna ishki ister organdarynyń qyzmetinde qoldanylatyn zamanaýı tsıfrlyq sheshimder men ınnovatsııalyq tehnologııalar tanystyryldy.
Sheteldik áriptesterge smart-beıdjder, robottandyrylǵan keshender, onyń ishinde robot-ıt, sondaı-aq el polıtsııasyna engizilgen ózge de ázirlemeler kórsetildi.
Qonaqtarǵa qoǵamdyq jáne jol qaýipsizdigin qamtamasyz etýde, quqyq buzýdyń aldyn alýda jáne olardy ashýda, sondaı-aq polıtsııa qyzmetkerleriniń jumys tıimdiligin arttyrýda zamanaýı tehnologııalardy qoldaný múmkindikteri tanystyryldy.
Іs-shara barysynda oqıǵalarǵa jedel den qoıýǵa, kelip túsetin aqparatty taldaýǵa jáne azamattardyń qaýipsizdigin qamtamasyz etýge múmkindik beretin tsıfrlyq quraldardy qoldanýǵa erekshe nazar aýdaryldy.
Aıta ketelik ІІM tsıfrlyq tehnologııalar arqyly jol qozǵalysyna baqylaýdy kúsheıtetini týraly jazǵan edik.
