Qazaqstan polıtseıleri 2015 jyldan beri memleketaralyq izdeýde júrgen qylmyskerdi ustady

ASTANA. KAZINFORM – Reseı Federatsııasynyń aýmaǵynda 9 qylmys jasaǵan alaıaq 10 jyldan keıin Aqmola oblysynda ustaldy, - dep habarlaıdy Polisia.kz.

Aqkól aýdandyq polıtsııa bóliminiń qyzmetkerleri «Quqyqtyq tártip» jedel-aldyn alý is-sharasy aıasynda 2015 jyldan beri memleketaralyq izdeýde júrgen qylmyskerdi qolǵa túsirdi. Qylmystyq istiń fıgýranty Reseı Federatsııasynyń azamaty, biraq ol Qazaqstanda týyp-ósken.

56 jastaǵy er adam 9 qylmys jasady, onyń ishinde 8 alaıaqtyq jáne senip tapsyrylǵan múlikti asa iri mólsherde ysyrap etý isi boıynsha aıyptalyp otyr. 2015 jyldyń tamyzynda ol Krasnoıarsk qalasynyń Keńes aýdandyq sotynyń otyrysyna qatyspady, sol ýaqyttan beri sot tóreliginen jasyrynyp júrdi.

Qylmystyq is materıaldarynan onyń sotqa kelmegenin emdelip jatqandyǵymen túsindirgeni belgili boldy. 2018 jyly ol shekaradan zańsyz ótip, Qazaqstan Respýblıkasyna kelgen. Osy jyldar ishinde izdeýde bolǵan qylmysker týystarynyń úıinde jasyrynǵan, kóshege shyqpaı, turaqty jumyssyz ómir súrgen. Óziniń qujattaryn joǵaltyp alǵanyn aıtyp, polıtsııadan qutylýǵa tyrysqan.

Qazirgi ýaqytta qylmysker ustalyp, odan ári tergeý sharalary júrgizilip jatyr.

ІІM izdeýde júrgen qylmyskerlerdi ustaǵanyn jazǵan bolatynbyz.