Qazaqstan polıtsııasynyń servıstik modeli qalaı jumys isteıdi
Spıker QR Prezıdenti Qasym-Jomart Toqaevtyń «Halyq birligi jáne júıeli reformalar - el órkendeýiniń berik negizi» atty Joldaýyn talqylaýǵa arnalǵan dóńgelek ústel barysynda qylmystyq protsestiń úsh satyly modeline kóshý jáne servıstik modelge aýystyrý máselesi týraly aıtty.
«Biz sheteldik tájirıbeni kóp zerttedik. Birden aıtqym keledi, polıtsııada biryńǵaı zań, biryńǵaı qyzmet úlgisi joq. Biraq bul modelge kóshken barlyq elderge tán bir qaǵıda bar. Birinshiden, bul - memlekettik organdardyń, eń aldymen polıtsııa men qoǵamnyń qaýipsizdik máselelerin birlesip sheshetini. ıAǵnı, polıtsııanyń servıstik modelge kóshýi qaýipsizdik júıede óte mańyzdy ról atqarady», - dedi ol.
Onyń aıtýynsha, polıtsııa qoǵamdyq tártip pen qylmystyń aldyn alýǵa tikeleı jaýap beretin memlekettik qyzmetshi.
« Polıtsııa memlekettik organmen jáne halyqpen tyǵyz qarym- qatynas ornatýy kerek. Prezıdent aıtqan: polıtsııa qoljetimdi bolýy tıis. Sonymen qatar, yńǵaıly jáne qaýipsiz ınfraqurylymdy damytý qajet», - dep qosty ol.
Alekseı Kalaıchıdı servıstik model qalaı jumys isteıtinin túsindirdi.
«Birinshiden, problemalar men olardy sheshý máselesi qoǵammen birge júzege asady. Qoǵam quqyq buzýshylyqqa yqpal etetin belgili bir sebepterdi joıý týraly sheshimdi anyqtaýǵa jáne qalyptastyrýǵa kómektesedi. Bul jerde basymdyq quqyq buzýshylarǵa emes, polıtsııa men bılikke jáne zańǵa baǵynyshty azamattarǵa beriledi. Negizinen profılaktıkaǵa basa nazar aýdarylady. Zertteýler kórsetkendeı qylmysty ashýdan jáne onyń saldaryn joıýdan góri aldyn alý álde qaıda tıimdirek»,- deıdi ol.
Spıkerdiń aıtýynsha, negizgi eki krıterıı bar.
«Baǵalaý júıesi eki nársege negizdelgen, sandyq krıterııi - quqyqtar men statıstıka. Sapalyq krıterııi – polıtsııa men qoǵamdaǵy qaýipsizdik júıesi qalaı jumys isteıtini týraly halyqtyń pikiri. Negizgi krıterıı - halyqtyń senimi»,- deıdi ol.
Alekseı Kalaıchıdı elimizdiń úsh oblysynda pılottyq joba iske qosylǵanyn atap ótti.
