Qazaqstan polıtsııasyndaǵy eń sulý qyzmetker anyqtaldy
ASTANA. QazAqparat - Astana qalalyq áýejaıyndaǵy JІІB Ákimshilik polıtsııa bóliminiń aǵa leıtenanty Janbota Qarıbekova «Polıtsııa.kz-2017 arýy» baıqaýynyń jeńimpazy atandy, dep habarlaıdy QazAqparat.
Jeńimpazdy marapattaý búgin, 8 naýryz - Halyqaralyq áıelder kúni merekesi qarsańynda ótti. QR Іshki ister mınıstri Qalmuhanbet Qasymov fotobaıqaýdyń gran-prı ıegerin arnaıy quttyqtady.
Janbota Qarıbekova Qaraǵandy oblysynyń Jańarqa aýdanynyń týmasy. Aýyl mektebi muǵalimderiniń otbasynda dúnıege kelgen ol, úıdegi 7 balanyń úlkeni.
2017 jyly Qazaq memlekettik zań ýnıversıtetin bitirgen. Joǵary oqý ornyn bitire salysymen Astana qalalyq áýejaıyndaǵy JІІB Ákimshilik polıtsııa bólimine kámelettik jasqa tolmaǵandardyń isi jónindegi ınspektor laýazymyna jumysqa qabyldanǵan. Qazirgi ýaqytta polıtsııa aǵa leıtenanty Qarıbekova sol bólimde aǵa ınspektor bolyp jumys isteıdi. Іshki ister organdarynda jumys istegen eki jyldyń ishinde ózin baıypty, jaýapty qyzmetker retinde kórsete bildi.
Qazaqstan polıtsııasynyń arýy qoly bos ýaqytta aǵylshyn tilin úırenip, sýret salady, fıtnespen aınalysady. Aldaǵy ýaqytta magıstratýra baǵdaralmasymen oqýyn jalǵastyrý josparynda bar. Sonymen qatar ol qylmystyq izdestirý bóliminde jumys istegisi keledi.
