Qazaqstan polıtsııasy kúni: Astanada qyzmettegi úzdik tártip saqshylary marapattaldy
Merekelik is-shara Qazaqstan Respýblıkasynyń Ánuranymen bastalyp, artynsha Astana qalasy Іshki ister departamentiniń bastyǵy - general-maıor Marat Qojaev tártip saqshylaryn merekelerimen quttyqtady.
«Barshalaryńyzdy Qazaqstan polıtsııasy kúnimen shyn júrekten quttyqtaımyn. Búgin de Qazqastan polıtsııasy qylmyspen kúresti úzdiksiz júrgizip keledi. Azamattardyń konstıtýtsııalyq quqyqtary men bostandyqtaryn qorǵap, qoǵamdyq tártipti qadaǵalap júrgenderdiń aldyńǵy qatary - sizdersizder. Elbasy Nursultan Ábishuly Nazarbaev Qazaqstan halqyna Joldaýynda: «Zor ókilettilik pen quqyqty ıelengen shendiler minsiz minez-qulqymen jáne joǵarǵy kásibıligimen erekshelenýi kerek» dep atap ótken bolatyn. Sondyqtan, mańyzdy memlekettik mindetterdiń sheshimin tabý úshin barlyq polıtsııa qyzmetkerleriniń qyzmettik jáne jeke qasıetteri minsiz bolýy kerek. Kásibı merekemizdiń qarsańynda barlyq ishki ister organdarynyń ardagerleri men elordalyq tártip saqshylaryna myqty densaýlyq, otbasylaryna amandyq tileımin», - deıdi Marat Qojaev.
Óz kezeginde ІІD ardagerler odaǵynyń tóraǵasy Qarshyǵa Kishkentaev ta polıtsııa qyzmetkerlerin quttyqtap, qyzmetterine tabys tiledi. Shara barysynda QR Іshki ister mınıstri men qalalyq ІІB basshysynyń buıryqtarymen eren eńbekterimen kózge túsken qyzmetkerler marapattaldy. Naqtyraq aıtqanda, mınıstrdiń buıryǵymen 30 polıtseı «qoǵamdyq tártipti qorǵaǵany úshin» medaline ıe bolsa, 4 qyzmetker ІІB úzdigi ataǵyna ıe boldy. Taǵy 4 tártip saqshysyna merziminen buryn shen tapsyryldy. Sonymen qatar, qalalyq ІІD basshysynyń buıryǵymen 170-ke tarta quqyq qorǵaýshy marapatqa ıe bolyp otyr. Onyń ishinde 50 medal ІІD ardagerlerine tabystalsa, tártip saqshylarynyń ishinde «Qazaqstan polıtsııasyna 25 jyl» jáne «Astana ІІD-ge 20 jyl» medaldaryna ıe bolǵandar bar. Marapatqa ıe bolǵan quqyq qorǵaýshylarǵa baǵaly syılyqtar men saǵattar, alǵys hattar tapsyryldy.
Marapattan keıin tártip saqshylary arnaıy daıyndalǵan kontserttik baǵdarlamany tamashalady.
Aıta ketsek, Qazaqstan polıtsııasy kúni elimizde jyl saıyn 23 maýsymda atalyp ótedi. Qazaqstan polıtsııasy kúni - osy jaýapty qyzmetti jolǵa qoıýdyń basy-qasynda bolǵandarǵa, ardagerlerge jáne búginde osy qatarda eńbek etip júrgenderge rızashylyq pen alǵys sezimderin bildirý kúni. Sonymen qatar bul kún beıbit ýaqytta qazaqstandyqtardyń tynyshtyǵy men qaýipsizdigi úshin óz ómirlerin qurban etkenderge qurmet kórsetý kúni bolyp ta sanalady.
