Qazaqstan polıtseıleri TMD elderinde boı tasalap júrgen 93 adamdy ustady

NUR-SULTAN. QazAqparat – Qazaqstan polıtseıleri «Іzdeý» operatsııasy barysynda TMD elderinde boı tasalap júrgen 93 adamdy ustady. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat tilshisi.

«Ótken aptada Іshki ister mınıstrligi TMD elderindegi áriptesterimen birigip, «Іzdeý» operatsııasyn júzege asyrdy. Shara barysynda izdeýde júrgen 240 kúdikti qolǵa tústi. Qazaqstan polıtseıleri Dostastyq elderinde boı tasalap júrgen 93 azamatty ustady. Sonymen qatar, osy ýaqytqa deıin joǵalyp ketken 89 adam anyqtaldy», - dedi resmı ókil ІІM-niń Facebook paraqshasynda ótken brıfıng barysynda.

Nurdildá Orazdyń aıtýynsha, ótken aptada 3 378 qylmys pen quqyq buzýshylyq tirkelip, ishki ister organdary qyzmetkerleriniń jedel áreket etýi nátıjesinde 2 199 qylmys ashylǵan.