Qazaqstan polıtseıleri Reseıge barady
ASTANA. QazAqparat - QR Іshki ister mınıstrliginiń 20 qyzmetkeri Reseı Іshki ister mınıstrligine qarasty joǵary oqý oryndarynda bilim alady, dep habarlaıdy QazAqparat tilshisi atalǵan vedomstvoǵa silteme jasap.
Mınıstrlik málimetinshe, QR Prezıdentiniń 2009 jylǵy 30 qarashadaǵy № 895 Jarlyǵymen bekitilgen Ujymdyq qaýipsizdik týraly shart uıymyna múshe memleketterdiń quqyq qorǵaý, órtke qarsy, avarııalyq-qutqarý organdary men arnaıy qyzmetteri úshin kadrlar daıarlaý týraly kelisimge sáıkes jyl saıyn Reseı Federatsııasy ІІM JOO-larynda QR ІІM-i úshin oqýǵa kvota bólinedi.
Osyǵan oraı elimizdiń Іshki ister mınıstrliginiń joǵary oqý oryndaryna qabyldaý komıssııalary emtıhandardan ótken jáne irikteý barysynda joǵary kórsetkishterdi kórsetken 20 úmitkerdi iriktep aldy. Óıtkeni, aǵymdaǵy jyly Reseı ІІM JOO-larynda joǵary bilim berý baǵdarlamasy boıynsha Qazaqstan Respýblıkasy ІІM-niń 20 qyzmetkerin oqýǵa qabyldaý josparlanǵan. Olar Reseı ІІM Krasnodar ýnıversıtetinde, Volgograd akademııasynda, Nıjnıı Novgorod akademııasynda, Voronej ınstıtýtynda, Sibir zań ınstıtýtynda, V.ıA.Kıkotıa atyndaǵy Máskeý ýnıversıtetinde jáne Sankt-Peterbor ýnıversıtetinde bilim alatyn bolady.
Kadr jumysy departamenti bastyǵynyń 2018 jylǵy 22 tamyzdaǵy buıryǵymen Reseı ІІM JOO-laryna oqýǵa joldanatyn qyzmetkerlerge kishi basshy quramnyń «qatardaǵy polıtseı» arnaýly ataǵy berilgen.
