Qazaqstan polıtseıleri beınejetondarmen jaraqtandyrylady
ASTANA. QazAqparat - Qazaqstandaǵy polıtsııa qyzmetkerleri beınejetondarmen qamtamasyz etiledi. Bul týraly búgin Astanadaǵy baspasóz máslıhatynda QR ІІM Ákimshilik polıtsııa komıtetiniń basqarma basshysy Qanat Sádýaqasov málim etti.
«Bizde jańa ereje boıynsha jol qozǵalysyna barlyq qatysýshylarmen qarym-qatynas beınetirkeýishtermen nemese beınejetondarmen tirkeledi. Sonymen birge bizdiń normatıvtik-quqyqtyq aktilerde osy qurylǵylarmen jabdyqtalǵannan tys oryndarda polıtseılerge qyzmetin atqarýǵa tyıym salynady», - dedi basqarma basshysy. Osy oraıda ol beınejazbalar sotta da paıdalanylatynyn jetkizdi. «Quqyqbuzýshylyq oryn alǵan jaǵdaıda Іshki ister mınıstrligine shaǵymdana alasyzdar. Bul turǵyda atalǵan beınetirkeýishterdiń málimetterine súıenýge bolady. ıAǵnı, osy baǵytta barlyq málimetterdiń ashyqtyǵy qamtamasyz etilgen», - dedi ol. Sóz sońynda Q.Sádýaqasov ınspektor kólik quralyn sebepsiz toqtatqan jaǵdaıda tıisti jazasyn alatyndyǵyn qadap aıtty.
