Qazaqstan Polsha parlamentshilerin Eýrazııalyq keńistiktegi dıalogqa qatysýǵa shaqyrdy
Atalǵan shaqyrýdy polıak parlamentshilerine tapsyrǵan kezde S.Ahmetov:
«Aldaǵy forým Eýropa men Azııa memleketteri arasyndaǵy ózara is-qımyldyń mańyzdy máselelerin talqylaýdyń tıimdi alańy bolady» dep basa aıtty.
Qazaqstandyq parlamentshilerdiń sapary «Polsha-Qazaqstan» parlamentaralyq yntymaqtastyq tobynyń tóraıymy, Polsha Parlamenti Seıminiń depýtaty Barbara Bartýştyń shaqyrýy boıynsha ótýde. Onyń sheńberinde Seım men Senattyń vıtse-spıkerleri Ryshard Terletskı jáne Bogdan Borýsevıchpen, «Polsha-Qazaqstan» yntymaqtastyǵy tobynyń músheleri, onyń basshysy B.Bartýş, Seımdiń syrtqy ister jónindegi komıtetiniń tóraǵasy Gjegoj Shetyna, Eýropa Keńesi Parlamenttik Assambleıasynyń (PASE) janyndaǵy Polsha parlamenttik delegatsııasynyń basshysy Vlodjımej Bernatskımen kelissózderi ótkizildi.
Kezdesýler barysynda S.Ahmetov «Polsha otandyq eksportty jyljytý jáne joǵary sapaly sheteldik ınvestıtsııalardy tartý turǵysynan EO aımaǵyndaǵy Qazaqstannyń perspektıvti seriktesterdiń qataryna kiredi. Osylaısha, sońǵy 3 jylda ekijaqty saýda aınalymynyń kólemi 3 ese ósip, 2018 jyldyń qorytyndysy boıynsha 2 mıllıard eýro kóleminde psıhologııalyq belgisin senimdi artty» dep atap ótti.
Óz kezeginde, polıak parlamentshileri Qazaqstan Parlament depýtattaryn 2019 jyldyń 4-5 maýsymda Varshavada ótetin Ortalyq jáne Shyǵys Eýropa parlamentteri spıkerleriniń 4-shi Sammıtine qatysýǵa shaqyrdy.
Sondaı-aq, taraptar álemdik jáne aımaqtyq saıasattyń mańyzdy aspektilerin, Astana men Varshava arasyndaǵy kópjaqty uıymdar aıasyndaǵy ózara qarym-qatynastyń jaı-kúıin talqylady. Polıak saıasatkerleri Qazaqstan Prezıdenti N.Nazarbaevtyń ıadrolyq qarýdy taratpaý jáne qarýsyzdaný, terrorızmmen kúres, halyqaralyq shıelenisti azaıtý salasyndaǵy mańyzdy jahandyq bastamalarymen tanystyryldy.
Polshadaǵy bıylǵy jyly mamyr aıynda ótetin Eýropalyq parlamentke saılaýy men ulttyq parlamentke kúzgi saılaýy taraptardyń ishki saıası taqyryptar boıynsha dıalogynyń arqaýy bolyp tabyldy.
S.Ahmetov pen Májilis depýtaty S.Zvolskıı Qazaqstanda Elbasy Nursultan Nazarbaev «Nur Otan» partııasynyń XVIII-sezinde usynǵan serpindi áleýmettik bastamalardy iske asyrý boıynsha aýqymdy jumys júrgizilip jatqany týraly aıtyp berdi.
Atalǵan nusqaýlyqtardy eskere otyryp, sapar baǵdarlamasyna ozyq tehnologııalardy paıdalanatyn, sol arqyly Polsha agroónerkásiptik keshenine Eýropalyq Odaqtyń jetekshi pozıtsııalaryna ustap turýǵa múmkindik beretin óńdeý aýylsharýashylyq kásiporyndaryna barý engizildi.
Budan basqa, óńirlik damý, jergilikti ózin-ózi basqarý jáne turǵyn úı-kommýnaldyq sharýashylyq reformalar salasyndaǵy polıak tájirıbesin zertteý maqsatynda, qazaqstandyq depýtattar Varshavanyń Vıtse-meri Renata Kaznovskamen jáne Pıasechno qalasynyń (Mazovetsk voevodstvosy) býrgamıstry Danıel Pýtkevıchpen kezdesýdi ótkizdi.
Jalpy, taraptar eki jaqty saıası, saýda-ınvestıtsııalyq jáne gýmanıtarlyq yntymaqtastyqtyń aǵymdaǵy jaı-kúıine oń baǵa berip, sondaı-aq, taraptardyń Qazaqstan-Polsha ózara is-qımylynyń dostyq jáne pragmatıkalyq sıpatyn, eki eldiń halyqtarynyń ıgiligi úshin saıası, onyń ishinde parlamentaralyq baılanystardy odan ári keńeıtýge baǵyttalǵanyn atap ótti. Ózara qarym-qatynastyń mańyzdy arnasy retinde sońǵy jyldary turaqty oń dınamıka baǵylanatyn parlamentaralyq yntymaqtastyq aıqyndaldy.