Qazaqstan PMEF-2025 aıasynda strategııalyq áriptestikti tereńdetedi
ASTANA. KAZINFORM — Qazaqstan Respýblıkasy Premer-mınıstriniń Birinshi orynbasary Roman Sklıar Sankt-Peterbýrg Halyqaralyq ekonomıkalyq forýmynyń (PMEF-2025) jumysyna qatysty, dep habarlaıdy Úkimettiń baspasóz qyzmeti.
Onda Reseı Federatsııasymen jáne halyqaralyq seriktestermen saýda-ekonomıkalyq jáne ınvestıtsııalyq ózara is-qımyldy tereńdetýge baǵyttalǵan birqatar strategııalyq mańyzdy kezdesý ótkizdi.
Bıznes pen bılik dıalogi úshin jetekshi álemdik alańdardyń biri bolyp tabylatyn Forýmǵa qatysý ulttyq ekonomıkalyq múddelerdi ilgeriletýge jáne negizgi salalarda birlesken jobalardy iske asyrýǵa baǵyttaldy.
Іskerlik baǵdarlama aıasynda Roman Sklıar Reseı Federatsııasy Úkimetiniń basshylyǵymen kelissózder júrgizdi.
Buǵan deıin Premer-mınıstrdiń birinshi orynbasary Táýelsizdik saraıynda ótken «Ortalyq Azııa-Qytaı» sammıtiniń kýlýarynda Qytaı kólikteriniń sapasy týraly pikir bildirdi.