Qazaqstan Pinduoduo-men derekter almasý máselesin qarastyrdy
ASTANA. KAZINFORM — Kezdesý barysynda sheteldik marketpleısterdiń Qazaqstan aýmaǵynda júzege asyratyn elektrondyq kommertsııa qyzmetine salyq salý, sondaı-aq Qazaqstan Respýblıkasynyń azamattaryna ótkiziletin taýarlar týraly derekter almasý máseleleri talqylandy.
Qazaqstan Respýblıkasy Qarjy mınıstrligi Memlekettik kirister komıteti (MKK) tóraǵasynyń orynbasary Seıiljan Ahmetovtyń tóraǵalyǵymen Qytaıdyń Pinduoduo elektrondyq saýda alańynyń ókilderimen kezdesý ótti.
Kezdesý barysynda sheteldik marketpleısterdiń Qazaqstan aýmaǵynda júzege asyratyn elektrondyq kommertsııa qyzmetine salyq salý, sondaı-aq Qazaqstan Respýblıkasynyń azamattaryna ótkiziletin taýarlar týraly derekter almasý máseleleri talqylandy.
Taraptar transshekaralyq saýdanyń ashyqtyǵyn arttyrýǵa, operatsııalar týraly aqparattyń durystyǵyn qamtamasyz etýge, sondaı-aq memlekettik organdar men tsıfrlyq platformalar arasyndaǵy aqparattyq ózara is-qımyldy damytýǵa erekshe nazar aýdardy.
Kezdesý qorytyndysy boıynsha taraptar Qazaqstan Respýblıkasynyń zańnamasyna sáıkes tehnıkalyq ıntegratsııa jáne málimetterdi berý tártibi boıynsha konsýltatsııalardy jalǵastyrýǵa kelisti.
MKK halyqaralyq marketpleıstermen yntymaqtastyq naryq qatysýshylary úshin teń jaǵdaılardy qamtamasyz etýge, saýda operatsııalarynyń ashyqtyǵyn arttyrýǵa jáne salyqtyq ákimshilendirýdi odan ári jetildirýge múmkindik beretinin atap ótti.
Aıta ketelik Memlekettik kirester komıteti qandaı marketpleısterge jańa kedendik talap qoıylmaıtynyn aıtqan edi.
