Qazaqstan Pfizer vaktsınasyn tasymaldaý úshin 34 tońazytqysh satyp alady
NUR-SULTAN. QazAqparat – Qazaqstan Pfizer vaktsınasyn tasymaldaý úshin 34 tońazytqysh satyp alady. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.
Ortalyq kommýnıkatsııalar qyzmetindegi baspasóz máslıhaty barysynda BAQ ókilderi «Pfizer vaktsınasy uzaq ýaqyt saqtalý úshin ony -70 gradýsta tasymaldaý qajet. Qazaqstan vaktsınany tasymaldaý jáne saqtaý máselesin qalaı sheshýde?» dep saýal joldaǵan edi.
Osy suraqqa jaýap bergen vıtse-mınıstr bul atalǵan vaktsınaǵa qoıylatyn basty talap ekendigin aıtady.
«Sondyqtan tońazytqyshpen barlyq óńirlerdi vaktsınamen birge qamtamasyz etemiz. 34 tońazytqysh satyp alý týraly sheshim qabyldandy», - dedi Ajar Ǵınııat.
