Qazaqstan pedıatrlary jórgekti qoldaný ulttyq apatqa uryndyrady deıdi
ASTANA. 17 mamyr. QazAqparat - Elordalyq pedıatrlardyń bir toby bir ret paıdalanylatyn jórgekterdi qoldanýǵa qarsylyq bildirýde, dep jazady BNews.kz, «Ekspress K» gazetine silteme jasap.
Dárigerlerdiń aıtýynsha, jórgekterdi paıdalaný saldarynan ulttyq apat aýqymy keńeıýi múmkin eken.
«AQSh pen Batys Eýropada bir ret qoldanýǵa arnalǵan jórgekterdi paıdalaný saldarynan halyqtyń 37%-y shyjyń dertine shaldyqqan. Bul jórgek kıip ósken aǵa býyn ókilderi. Osyǵan baılanysty, atalmysh dertpen kúresetin International Continence halyqaralyq qaýymy qurylǵan», - deıdi jeke klınıka pedıatry Álııa Qońyrbaeva.
Dárigerdiń aıtýynsha, balany táýlik boıy jórgekte ustasa, ol óz betimen dáretke otyra almaıtyn bolady. Ókinishke oraı, pedıatrlardyń aıtýynsha, bul másele úsh jáne bes jas aralyǵyndaǵy qala balalary arasynda týyndap otyr. Sonymen qatar, bir ret qoldanylatyn jórgekter er balalardyń jynys múshelerine zaqym keltirýi múmkin.
Álııa Qońyrbaeva jórgek óndirýshiler onyń zııany týraly eskertý jasaýy qajet ekendigine senimdi. Budan basqa, ishimdik pen shylym sııaqty jórgek jarnamasyna da tyıym salynýy tıis.
Máseleni sheshý maqsatynda pedıatrlar Densaýlyq mınıstrligine júginbekshi.
