Qazaqstan pedagogtary bilim berýdegi tyń ádisterdi talqyǵa saldy
QYZYLORDA. QazAqparat-Qyzylorda, Astana, Shymkent jáne Almaty qalalarynyń pedagogtary bilim berýdegi jańa tásilderdi tıimdi júzege asyrý joldaryn talqylady.
Bul týraly «QazAqparat» HAA tilshisi mektepke silteme jasap habarlady.
Aımaqtaǵy ınnovatsııalyq mektepterge tájirıbe taratý maqsatynda Qyzylorda qalasy hımııa-bıologııalyq baǵyttaǵy Nazarbaev Zııatkerlik mektebinde aımaqtyq forým ótti. ol «Nazarbaev Zııatkerlik mektepteri» Derbes bilim berý uıymy men Qyzylorda oblysynyń ákimi arasynda qol qoıylǵan memorandýmǵa sáıkes uıymdastyryldy. Taqyryby - «Jańartylǵan bilim berý mazmuny turǵysynan oqytýdaǵy jańa tásilderdi tıimdi júzege asyrý joldary: mekteptegi Astion Research jáne Lesson study ǵylymı zertteý jobalary».
Sektsııalyq praktıkým, semınar jáne sheberlik-synyptar túrinde uıymdastyrylǵan forým barysynda jańa tásilderdiń tıimdiligi jáne ony muǵalimniń ǵylymı-zertteý mádenıetin qalyptastyrýda qoldaný týraly keńinen aıtyldy.
Іs-shara jumysyna qatysqan Shymkent, Astana, Almaty qalalaryndaǵy Nazarbaev Zııatkerlik mektepteri men oblystaǵy 2 pılotty, 24 ınnovatsııalyq mektepter ókilderi, Qyzylorda qalasy pedagogıkalyq sheberlik ortalyǵy qyzmetkerleri, «Nazarbaev Zııatkerlik mektepteri» DBBU Zertteý departamentiniń, Qorqyt Ata atyndaǵy QMÝ mamandary oqýshylardyń bilim sapasyn arttyratyn jańa ádis-tásildermen bólisip, ózara tájirıbe almasty.
