Qazaqstan patrıottary partııasynyń Atyraý fılıaly referendýmdy qoldady
ATYRAÝ. 24 qańtar. QazAqparat /Andreı Sokolov/ - Qazaqstan patrıottary partııasynyń Atyraý fılıaly Memleket basshysynyń ókilettigin 2020 jylǵa deıin uzartýǵa arnalǵan referendým ótkizý jónindegi ıdeıany qoldady.
Partııanyń atyraýlyq fılıalynyń hatshysy Aǵıla Moldaǵalıeva habarlaǵandaı, partııa músheleri referendýmdy qoldaýǵa qoldar jınaǵan óziniń bastamashyl tobyn qurdy.
«Qol jınaýdy biz tek oblys ortalyǵynda ǵana emes, oblystyń aýdandarynda da júrgizdik. Bir aıta keterligi, qol qoıý paraqtaryna tek bizdiń partııanyń músheleri ǵana emes, oblystyń partııadan tys turǵyndary da qol qoıdy. Olar osy arqyly bizdiń elimizdiń Prezıdentiniń ókilettik merzimin uzartýǵa óz tilekterin bildirgisi keldi», - deıdi A.Moldaǵalıeva.
Qazaqstan patrıottary partııasynyń atyraýlyq fılıalynyń músheleri referendýmdy ótkizýge qoldaý bildirip, birneshe júzdegen qol jınady.
