Qazaqstan pasportynyń reıtıngi joǵarylady

ASTANA. KAZINFORM — Qazaqstan pasporty halyqaralyq reıtıngide 57-orynda tur. Bıyl eldiń pozıtsııasy 4 satyǵa joǵarylaǵan.

Henley & Partners jarııalaǵan Henley Passport Index reıtıngi jańartylǵan derekterine sáıkes, qazaqstandyqtar 78 elge vızasyz nemese jeńildetilgen tártippen bara alady

Henley & Partners-tyń qańtar aıyndaǵy reıtınginde Qazaqstan 61-orynǵa jaıǵasqan.

Jańa reıtınginiń alǵashqy úshtiginde Sıngapýr kósh bastap tur. Odan keıin Japonııa men Ońtústik Koreıa ornalasqan. Al reıtınginiń eń sońǵy satysyna Aýǵanstan jaıǵasqan. Bul eldiń azamattary álemniń 24 memleketine vızasyz kire alady.

Ortalyq Azııa elderi arasynda Qazaqstan eń joǵary pozıtsııaǵa ıe. Aımaqtaǵy basqa elderdiń reıtıngi mynadaı: Ózbekstan men Qyrǵyzstan – 73-oryn, Tájikstan – 79-oryn, Túrikmenstan – 87-oryn.

Henley Passport Index – álemdegi eń bedeldi pasport reıtıngteriniń biri. Ol Halyqaralyq áýe kóligi qaýymdastyǵynyń (IATA) derekterine súıene otyryp jasalady jáne el azamattarynyń vızasyz sapar múmkindikterin baǵalaıdy.

Aıta keteıik, byltyr mıgratsııalyq qyzmet komıteti 1 mıllıonnan asa azamatqa QR pasportyn tabystaǵan edi.