Qazaqstan parlamenttik saılaýdyń qalaı ótý kerektigin kórsetti - Zoran Teshanovıch

ASTANA. QazAqparat - Qazaqstan parlamenttik saılaýdyń qalaı ótý kerektigin kórsetti. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda Bosnııa jáne Gertsogovına kelgen xalyqaralyq baıqaýshy Zoran Teshanovıch málim etti.

«Men Qazaqstanǵa kelgenime eki kún boldy. Osy ýaqyt aralyǵynda biraz aqparattarǵa qanyqtym. Búgin bastalǵan saılaýǵa keletin bolsam, barlyǵy óte jaqsy deńgeıde, demokratııalyq qaǵıdattarǵa saı ótýde. Men saılaý ýchaskelerindegi saılaý komıssııaarymen jáne daýys berýge kelgen xalyqpen sóılesýge múmkindik aldym. Men olardyń tarapynan eshqandaı zańbuzýshylyqtar baıqaǵan joqpyn», - deıdi xorvatııalyq baıqaýshy.

Onyń aıtýynsha, Qazaqstan saılaýdy uıymdastyrýda jáne ótkizýde ózge memleketterge úlgi kórsete alady.

«Daýys berýge kelgen xalyqtyń sany óte kóp, bul jaǵdaı meni azdap tańqaldyrǵanyn jasyrmaımyn. Sebebi Eýropada saılaýshylardyń belsendiligi tómendep keledi. Al Qazaqstanda túske deıin saılaýshylardyń 50%-y daýys berip úlgergen. Azamattar óz úılerinen shyǵyp, daýys berýge kelýi óte mańyzdy dep sanaımyn. Qazirgi ýaqytta saılaýǵa 6 saıası partııa túsip jatyr. Parlament saılaýy demokratııalyq standarttarǵa sáıkes, dál osylaı júrýi tıis», - dedi ol.

Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.