Qazaqstan parlamentshileri Sankt-Peterbýrgte ótetin parlamenttik sharalarǵa qatysady
dep habarlaıdy QazAqparat.
Májilistiń Baspasóz qyzmeti bergen málimetke súıensek, Qazaqstan parlamentshileri sáýirdiń 5-i men 8-i aralyǵynda Sankt-Peterbýrg qalasynda TMD elderi jáne EýrAzEQ Parlamentaralyq Assambleıalary jáne Ujymdyq Qaýipsizdik Sharty Uıymynyń Parlamenttik Assambleıasy (UQShU PA) sheńberinde ótetin birqatar mańyzdy sharalarǵa qatysady.
Búgin qazaqstandyq depýtattar Neva jaǵalaýyna jetken soń, atalǵan sharalarǵa baılanysty qujattarmen tanysady.
Erteń, sáýirdiń 6-sy kúni, parlamentshiler UQShU PA Keńesi janyndaǵy saraptama-keńestik komıssııanyń basqosýyna, sondaı-aq EýrAzEQ PAA-nyń quqyqtyq, agroónerkásip saıasaty, tabıǵat paıdalaný jáne ekologııa máseleleri jónindegi turaqty komıssııasynyń otyrystaryna qatysady.
Osy kúni Qazaqstan delegatsııasynyń qatysýymen TMD PAA-nyń saıası máseleler men halyqaralyq yntymaqtastyq, qorǵanys jáne qaýipsizdik jónindegi turaqty komıssııasynyń otyrysy ótedi.
Seısenbi kúngi baǵdarlamaǵa sáıkes TMD PAA-nyń áleýmettik saıasat jáne adam quqyqtary, ǵylym jáne bilim jónindegi turaqty komıssııasynyń otyrysy bolady (komıssııa jumysynyń kezeńinde TMD-ǵa múshe memleketter úshin Innovatsııalyq kodekstiń úlgilik jobasyn daıyndaý týraly jumys tobynyń otyrysy ótetini qarastyrylǵan).
EýrAzEQ Parlamentaralyq Assambleıasy aıasynda kedendik retteý jáne shekaralyq saıasat, saýda saıasaty jáne halyqaralyq yntymaqtastyq jónindegi turaqty komıssııasynyń otyrysy ótetini kózdelýde.
Sondaı-aq baǵdarlamada UQShU PA-nyń áleýmettik-ekonomıkalyq jáne quqyqtyq máseleler, qorǵanys jáne qaýipsizdik, saıası máseleler jáne halyqaralyq yntymaqtastyq jónindegi turaqty komıssııalarynyń otyrystary ótetini josparlanyp otyr.
Seısenbi kúni EýrAzEQ PAA-nyń jáne TMD PAA Keńesiniń Bıýro otyrystary ótedi.
Erteń, sáýirdiń 6-sy kúni, QR Parlamenti Májilisiniń Tóraǵasy O. Muhamedjanov TMD PAA-nyń Tóraǵasy, Reseı Federatsııasy Federaldyq Jınalysy Federatsııa Keńesiniń tóraǵasy Sergeı Mıronovpen, sondaı-aq Qyrǵyz Respýblıkasy Joǵarǵy Keneshiniń Tóraǵasy Z.Qurmanovpen kezdesedi dep kútilýde.
Sáýirdiń 7-si kúni QR Parlamentiniń delegatsııasy óz jumysyn Sankt-Peterbýrgtegi Jambyl Jabevtyń eskertkishine gúl qoıýdan bastaıdy. Odan keıin qazaqstandyqtar TMD-ǵa múshe memleketterdiń Parlamentaralyq Assambleıasynyń otyz tórtinshi jalpy otyrysyna qatysady.
Sol kúni, sársenbide, saltanatty jaǵdaıda 1941-1945 jyldardaǵy Uly Otan soǵysyndaǵy Jeńistiń 65 jyldyǵyna arnalǵan kórme ashylatyny qarastyrylǵan. Sonymen birge sol kúni 1941-1945 jyldardaǵy Uly Otan soǵysyndaǵy Jeńistiń 65 jyldyǵyna arnalǵan Halyqaralyq parlamenttik konferentsııa óz jumysyn bastaıdy.
7 sáýirde Qazaqstan Respýblıkasynyń Eýropadaǵy Qaýipsizdik jáne Yntymaqtastyq uıymyna tóraǵalyq etýiniń tanystyrylymy ótedi dep josparlanyp otyr.
Sol kúni TMD PAA-nyń otyz tórtinshi jalpy otyrysynyń qorytyndysy boıynsha baspasóz máslıhaty ótetini josparlanǵan.
Sársenbi kúni TMD PAA-nyń birqatar turaqty komıssııalarynyń birlesken otyrysy ótedi.
Seısenbi jáne sársenbi kúnderi Tavrııa saraıyna ekskýrsııa jasalyp, «Memlekettik Dýmanyń alǵashqy kúni, 1906 jylǵy 27 sáýir» ekspozıtsııalyq kórmesi tamashalanady.
8 sáýirde Pıskarev memorıaldyq zıratyna gúl shoqtaryn qoıyp, taǵzym etý rásimi jasalady.
Beısenbi kúni «Eýropalyq qaýipsizdiktiń keleshegi» (Eýropa Keńesi Parlamenttik Assambleıasymen birlesip) atty halyqaralyq parlamenttik konferentsııasynyń jalpy otyrysy men sektsııalarynyń jumysy ótedi.
