Qazaqstan parlamentshileri Atlantıkalyq keńes delegatsııasymen kezdesti
ASTANA. Maýsynyń 24-i. QazAqparat - Búgin Amerıka Qurama Shtattarynyń Atlantıkalyq keńesiniń delegatsııasy Qazaqstan Parlamentiniń Májilisine keldi. Atalǵan uıymnyń dırektory Fred Kemp bastaǵan delegatsııany Qazaqstan Respýblıkasy Parlamenti Májilisi Tóraǵasynyń orynbasary Jánibek Káribjanov qabyldady,
dep habarlaıdy QazAqparat.
Kezdesýde Qazaqstannyń EQYU-ǵa tóraǵalyq etýi kezinde beıbitshilikti nyǵaıtý, qaýipsizdikti saqtaý, daýly máselelerdiń sheshilýine yqpal etý jónindegi oılar ortaǵa salyndy. Qazaqstan osy máselelerdiń oń sheshimin tabý úshin Birikken Ulttar Uıymy jáne basqa halyqaralyq bedeldi uıymdarmen birlesip qyzmet atqaratyny anyq.
Taraptar Qyrǵyzstandaǵy jaǵdaıǵa alańdaýshylyq bildirdi. Kúrdeli jaǵdaıdy turaqtandyrý jáne qyrǵyz eline gýmanıtarlyq kómek kórsetý máselelerin qozǵady.
Bul kezdesýge Májilis depýtattary Beken Álimjanov, Erbolat Ápsalıamov, Svetlana Bychkova, Ýálıhan Qalıjanov jáne AQSh-tyń Qazaqstan Respýblıkasyndaǵy Tótenshe jáne Ókiletti elshisi Rıchard Hoýgland qatysty.
