Qazaqstan Parlamentine 15 jyl: qalyptasýy jáne damýy taqyrybynda konferentsııa ótedi

QR Parlamenti Májilisiniń Tóraǵasy Oral Muhamedjanovtyń quttyqtaý sózi oqylady dep kútilýde.

Kún tártibindegi másele boıynsha Májilistiń Zańnama jáne sot-quqyqtyq reforma komıtetiniń tóraǵasy Raqmet Muqashev baıandama jasaıtyny josparlanýda.

Baǵdarlamada «Qazaqstan Respýblıkasy Parlamentimen zań shyǵarý qyzmeti bóliginde ózara is qımyl jasaý máseleleri» taqyrypta QR Ádilet mınıstriniń orynbasary Dýlat Qusdaýletovbaıandama jasaıtyny qarastyrylǵan.

Sonymen qatar zań ǵylymdarynyń doktory, Qazaq gýmanıtarlyq-zań ýnıversıtetiniń prezıdenti, «Ádilet» demokratııalyq partııasynyń tóraǵasy, QR Parlamenti Májilisi janyndaǵy Qoǵamdyq Palata tóraǵasynyń orynbasary Maqsut Nárikbaev«Qazaqstan Parlamenti: keıbir máseleleri men damý rezervteri» taqyryby boıynsha baıandama jasaıdy.

Sondaı-aq osy konferentsııada «Parlament pen Qazaqstan halqy Assambleıasynyń ózara qarym-qatynasynyń damýynyń konstıtýtsııalyq negizderi» taqyryby aıasynda saıasat ǵylymynyń doktory, Qazaqstan halqy Assambleıasy Tóraǵasynyń orynbasary - Hatshylyq meńgerýshisi Eraly Toǵjanov, «Parlament jáne Qazaqstan Respýblıkasynda ókildik júıesin qalyptastyrý» degen taqyrypta zań ǵylymdarynyń doktory, Konstıtýtsııalyq Keńes múshesi Vıktor Malınovskıısóz sóıleıdi.

«Qazaqstandaǵy Parlament: ótkeni, qazirgisi, keleshegi» taqyryby boıynsha saıasat ǵylymynyń doktory, professor, Qazaqstan Respýblıkasy Parlament Májilisiniń depýtaty Kamal Burhanov,«Qazaqstandyq Parlamentte salt-dástúrdi demokratızatsııalaýdy qalyptastyrý týraly» fılosofııa ǵylymdarynyń kandıdaty, «Nur Otan» HDP-nyń Parlamentarızm ınstıtýtynyń dırektory Bolat Baıqadamovoı-pikirin ortaǵa salady.

Konferentsııada basqa da qoǵam qaıratkerleri, parlamentshiler sóz sóıleıtini kózdelýde. Bul basqosý Májilistiń Zańnama jáne sot-quqyqtyq reforma komıtetiniń tóraǵasy Raqmet Muqashevtyń qorytyndy sózimen aıaqtalady.