Qazaqstan parataekvondo quramasy Azııa chempıonatynda 11 medalge qol jetkizdi

ASTANA. KAZINFORM — Malaızııanyń Kýchıng qalasynda ótken para taekvondodan Azııa chempıonatynyń ekinshi kúni Qazaqstan quramasy 1 altyn, 1 kúmis jáne 4 qola medal jeńip aldy.

Qurlyqtyq dodada kırýgı sanatynda Muqashev Málik (K41, 80 keli) chempıon atansa, Dáýletshına Aıkenje (K44, 65 keliden joǵary) kúmis júldeger boldy. 

Al Ǵıbratjan Baqbergen (K44, 58 keli), Garıpollaev Alısher (K44, 80 keliden joǵary), Qazıev Janbolat (K44, 80 keli) Sálimgereeva Marıam (K44, 65 keli) úzdik úshtikti túıindedi.

Eske salsaq, budan buryn otandastarymyz 2 altyn, 2 kúmis jáne 1 qola júlde jeńip aldy. 

El quramasynan Ahmetkereı Abzal (R31 sanaty) pen Ovsepıan Karen (R33 sanaty) chempıon atandy. Oǵan qosa Jánibek Eldos (R34 sanaty) pen Serikov Dáýren (R33 sanaty) kúmis júldeger bolsa, Rasqalıev Aıdarbek (R21 sanaty) úzdik úshtikti túıindedi.

Osylaısha eki kúnniń qorytyndysy boıynsha Qazaqstan quramasy pýmse men kerýgı sanatynda jalpy sany 11 medal jeńip aldy. Onyń ishinde 3-eýi altyn, 3-eýi kúmis jáne 5-eýi qola.