Qazaqstan parasportshylary jeńil atletıkadan álem týrnırinde 9 medal jeńip aldy
Qazaqstannyń atynan ıadro laqtyrý, uzyndyqqa sekirý, naıza jáne dısk laqtyrý, júgirý qashyqtyqtary tártipteri boıynsha 12 sportshy qatysyp, 9 medal jeńip aldy.
Ulttyq quramanyń qorjynynda 4 altyn, 3 kúmis, 2 qola medal bar.
Altyn:
- Mansýrbaev Ravıl – ıadro laqtyrý
- Muqashbekov Dastan – dısk laqtyrý
- Jolaman Elaman – naıza laqtyrý
- Ábilqasymqyzy Saltanat –100 metr qashyqtyqqa júgirý
Kúmis:
- Muqashbekov Dastan – dısk laqtyrý
- Zaleznıak Ivan – dısk laqtyrý
- Mansýrbaev Ravıl – dısk laqtyrý
Qola:
- Jolaman Elaman – dısk laqtyrý
- Lýkýtın Alekseı – ıadro laqtyrý.
«Halyqaralyq týrnırdiń aldynda Almaty qalasynda oqý-jattyǵý jıyndaryn ótkizdik. Ulttyq qurama komandamyz jarysqa jaqsy daıyndalyp keldi. Biz 59 eldiń ishinde komandalyq esepte 12-orynǵa ıe boldyq. Ravıl Mansýrbaev, Jolaman Elaman, Dastan Muqashbekov atty sportshylarymyz ár túrli tártipter boıynsha júldeli orynǵa ıe boldy. Kelesi josparlanǵan jarysymyz sáýir aıynda Italııada ótetin para jeńil atletıkadan Álemdik Gran Prı Ezolo 2021. Soǵan daıyndalamyz», - dedi para jeńil atletıkadan ulttyq quramanyń bas jattyqtyrýshysy Tahır Mamashaev.
