Qazaqstan paralımpıadashylary jeńil atletıka týrnırinde 18 medal jeńip aldy

Chehııada para jeńil atletıkadan halyqaralyq ashyq týrnır aıaqtaldy.

Jarysqa 8 eldiń úzdik atletteri qatysty.

Qazaqstannyń atynan ıadro laqtyrý, uzyndyqqa sekirý, naıza jáne dısk laqtyrý, júgirý qashyqtyqtary tártipteri boıynsha 9 sportshy qatysyp, 18 medal jeńip aldy.

Ulttyq quramanyń qorjynynda 5 altyn, 6 kúmis, 7 qola medal bar.

Altyn:

1. Muqashbekov Dastan – ıadro laqtyrý

2. Muqashbekov Dastan – dısk laqtyrý

3. Jolaman Elaman – naıza laqtyrý

4. Kalkaev Amanat –100 metr qashyqtyqqa júgirý

5. Habıbýlın Rýfat – naıza laqtyrý

Kúmis:

1. Jolaman Elaman – dısk laqtyrý

2. Kalkaev Amanat - 200 metr qashyqtyqqa júgirý

3. Makshat Meıırjan - 800 metr qashyqtyqqa júgirý

4. Harlamov Sergeı – uzyndyqqa sekirý

5. Habıbýlın Rýfat - 100 metr qashyqtyqqa júgirý

6. Habıbýlın Rýfat - 200 metr qashyqtyqqa júgirý

Qola:

1. Jolaman Elaman – ıadro laqtyrý

2. Bakbergen Kalganat – naıza laqtyrý

3. Kalkaev Amanat – uzyndyqqa sekirý

4. Harlamov Sergeı - 100 metr qashyqtyqqa júgirý

5. Harlamov Sergeı - 200 metr qashyqtyqqa júgirý

6. Mansýrbaev Ravıl – ıadro laktyrý

7. Makshat Meıırjan - 400 metr qashyqtyqqa júgirý

«Ulttyq qurama komandamyz jarysqa jaqsy daıyndalyp keldi. Segiz memlekettiń úzdik sportshylarynyn arasynda óner kórsetip, 18 medaldi qanjyǵaǵa baıladyq. Qalqaev Amanat, Jolaman Elaman, Dastan Muqashbekov atty sportshylarymyz ár túrli tártipter boıynsha júldeli orynǵa ıe boldy. Ózderińiz biletindeı bıyl 24 tamyz - 5 qyrkúıek aralyǵynda Tokıoda XVI jazǵy paralımpıadalyq oıyndary ótedi. Qazaqstan tarapynan 23 para sportshy qatysady, onyń ishinde Mýkashbekov Dastan men Ábilqasymqyzy Saltanat para atletıkadan óner kórsetedi. Osy oıyndarda Qazaqstandyq sportshylar elimizdiń namysyn abyroımen qorǵap, júldeli oryndarǵa ıe bolady dep senemin», - dedi para jeńil atletıkadan ulttyq quramanyń jattyqtyrýshysy Elena Moron.