Qazaqstan Paralımpıadalyq quramasy IWAS-2013 Búkilálemdik oıyndarynyń birinshi kúninde bes altyn ıelendi
Atap aıtqanda, Gollandııanyń Stadskanaal qalasynda (IWAS) Búkilálemdik oıyndary ótip jatyr. Jarysqa álemniń 35 elinen jalpy sany 500-den astam sportshy qatysady. Atalmysh saıysqa Qazaqstannyń atynan 16 qatysýshy sporttyń úsh túri boıynsha synǵa túsedi (1 - sadaqpen atý, 6 - jeńil atletıka, 9 - júzý).
QR quramasynyń qorjynyna altyn júldelerdi Mıhaıl Eremenko (júzý, 50 m, erkin stıl), almatylyq Ravıl Mansýrbaev (dısk laqtyrý), qostanaılyq Pavel Sıdorchýk (ıadro laqtyrý) saldy.
Qazaqstandyq delegatsııa músheleriniń ishindegi eń tanymal paralımpıadashy - júzýden halyqaralyq dárejedegi QR sport sheberi, múgedekter arasyndaǵy Búkilálemdik Oıyndardyń Jeńimpazy 2011 j. (Shardj q., BAÁ) Álem chempıonatynyń kúmis jáne qola júldegeri (Monreal q., Kanada) Zýlfııa Ǵabıdýllına (júzý, erkin stıl, 50 m. jáne 200 m.) eki birdeı altyn júldeni qanjyǵasyna baılady.
Kúmis júldeni Ońtústik Qazaqstan oblysynyń ókili Alına Mıhaılova (júzý, 50 m., erkin stıl) jáne Batys Qazaqstan oblysynyń sportshysy Rýslan Ótebalıev (júzý, 50 m., erkin stıl) ıelendi.
Al qola júldeni Mańǵystaý oblysynyń ókili Ellına Baıdeldınova (júzý, 50 m., erkin stıl), Soltústik Qazaqstan oblysynyń sportshysy Vladımır Erman (júzý, 50 m., erkin stıl) jáne Almaty oblysynyń ókili Irına Tyşenko (dıski laqtyrý) ıelendi.
Ulttyq paralımpıadalyq komıtetiniń demeýshisi - "Samuryq-Qazyna" ulttyq ál-aýqat qory.
Esterińizge sala keteıik, Búkilálemdik oıyndary eki jylda bir ret ótkizilip otyrady. Ótken oıyndar Bangalor (Úndistan) qalasynda 2009 jyly jáne 2011 jyly Shardj (BAÁ) qalasynda ótken bolatyn.
