Qazaqstan Palestına-Izraıl qaqtyǵysynyń órshýine alańdaýshylyq bildirdi
Izraıldegi jaǵdaıǵa qatysty QR Syrtqy ister mınıstrliginiń baspasóz hatshysy Aıbek Smadııarov pikir bildirdi, dep habarlaıdy QazAqparat.
Qazaqstan kóptegen beıbit turǵyndardyń qaza bolýyna ákep soqqan Palestına-Izraıl qaqtyǵysynyń órshýine tereń alańdaýshylyq bildiredi.
Taraptardy ahýaldy beıbit jolmen sheshý úshin saıası quraldar izdestirýge jáne tek eki memleket arasyndaǵy ǵana emes, jalpy Taıaý Shyǵystaǵy jaǵdaıdyń odan ári ýshyǵýyna ákelýi yqtımal is-áreketterge barmaýǵa shaqyramyz.
«Qazaqstannyń Tel-Avıvtegi Elshiligi Izraıldegi bizdiń azamattarymyzben turaqty baılanysta. Elshiliktiń jedel baılanys arnasy ashylyp, Qazaqstan azamattaryna elge oralý úshin odan ári kómek kórsetý maqsatynda olardyń tizimi jasalýda»,-delingen habarlamada.
Keshe Hamas sodyrlary Izraılge zymyranmen shabýyl jasap, 20-dan astam adam mert boldy.
Eýropalyq Odaq Hamastyń Izraılge shabýylyn aıyptady.
Bul shabýyldy AQSh prezıdenti Djo Baıden de aıyptap, Izraıl úkimeti men halqyna barlyq qajetti kómek kórsetiletinin aıtty.
Qazaqstannyń Tel-Avıvtegi Elshiligi Izraılde júrgen otandastarǵa úndeý jasady.
