Qazaqstan ózinde qaldyratyn jáne eksporttaıtyn spýtnıkter tizimin aıqyndady
ASTANA. KAZINFORM – Kosmomonıtorıngtiń bes jyldaǵy ekonomıkalyq tıimdiligi 977 mrd teńge boldy. Bul týraly búgin Úkimet otyrysynda QR Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev málim etti.
- Taǵy bir baǵyt – otandyq spýtnıktik júıelerdi damytý jáne eksportqa shyǵý. Baılanysty eki KazSat spýtnıgi qamtamasyz etip jatyr. Kiris kólemi – 72 mlrd teńge. 2029 jylǵa deıin qoldanystaǵy apparattardy almastyrý úshin KazSat-3R spýtnıgin jasaý kózdelgen. Jerdi qashyqtan zondtaý júıesinde 3 spýtnık jumys isteıdi. Kosmomonıtorıngtiń bes jyldaǵy ekonomıkalyq tıimdiligi 977 mlrd teńge boldy, - dedi J.Mádıev.
Onyń aıtýynsha, túsirilimniń dáldigin arttyrý jáne qamtý aýmaǵyn keńeıtý úshin 6 jańa spýtnık jasaý eskerilgen.
- Olardyń úsheýi – joǵary, úsheýi – ortasha ruqsattamadaǵy apparattar. Mońǵolııa, Kongo jáne Nıgerııamen 3 eksporttyq joba iske asyrylyp jatyr. Eksport kólemi 70 mıllıon dollar. 2030 jylǵa qaraı 14 spýtnıkten turatyn halyqaralyq toptama qurý josparlanǵan, - dedi mınıstr.
Buǵan deıin habarlanǵandaı, Úkimet basshysy Oljas Bektenov vedomstvolarǵa drondyq logıstıkany damytýǵa qatysty tapsyrma berdi.
