Qazaqstan óziniń úlgi alarlyq tustaryn kórsetti - reseılik maman
ASTANA. Qyrkúıektiń 13-i. QazAqparat /Arman Asqarov/ - 15 jyldyń ishinde Qazaqstanda kásibı baǵalaýshylar qosyny qalyptasty. Búgin elordada ótken baspasóz máslıhatynda TMD baǵalaýshylarynyń qoǵamdyq birlestiginiń tóraǵasy Nıkolaı Trıfonov osyndaı pikiri bildirdi,
dep habarlaıdy QazAqparat.
Osy oraıda reseılik maman elimizde qurylǵan Baǵalaýshylardyń respýblıkalyq palatasyn erekshe atap ótti. «Atalǵan uıym baǵalaý qyzmeti salasyndaǵy barlyq mamandardyń basyn qosyp qana qoımaı, otandyq baǵalaý qyzmetiniń sapasyn barynsha kóterýdi kózdep otyr. Árıne, biz bárimiz óz jumysymyzdy únemi jetildirip kelemiz. Biraq osy joly Qazaqstan óziniń úlgi alarlyq tustaryn kórsetti. Sondyqtan biz qazaqstandyq áriptesterimizben kezdesip, ózara tájirıbe almasýdy asyǵa kútemiz», - deıdi N.Trıfonov.
Aıta keteıik, TMD baǵalaýshylarynyń qoǵamdyq birlestigi 2001 jyly qurylǵan bolatyn. Onyń quramyna Qazaqstan, Reseı, Ýkraına, Belarýs, Moldova jáne Qyrǵyzstan kiredi. Uıymnyń negizgi maqsaty - postkeńestik elderde biregeı baǵalaý erejelerin saqtaý.
