Qazaqstan óziniń demokratııa salasyndaǵy EQYU qaǵıdalaryn ustanatynyn naqtylaıdy - Germanııa Federaldyq úkimetiniń málimdemesi
ASTANA. 4 aqpan. QazAqparat - Germanııanyń Federaldyq úkimeti qazaqstandyq Konstıtýtsııalyq keńestiń Prezıdent N.Nazarbaevtyń ókilettik merzimin 2020 jylǵa deıin uzartýǵa arnalǵan referendým ótkizý týraly Zańnyń el Konstıtýtsııasyna saı emestigi týraly sheshimin quptap otyr,
dep málimdedi keshe Germanııa Federaldyq úkimetiniń resmı ókili Shtefen Zaıbert. Bul týraly Germanııa Federaldyq úkimetiniń portaly habarlady.
Federaldyq úkimet sondaı-aq Prezıdent N.Nazarbaevtyń osy sheshimmen kelisip, Konstıtýtsııada kórsetilgendeı prezıdenttik saılaýǵa qatysýǵa nıet bildirgenin de qup alyp otyr.
Osy arqyly Qazaqstan óziniń demokratııa men tıimdi memlekettik basqarý salasyndaǵy EQYU qaǵıdalaryn ustanatynyn naqtylaıdy. Federaldy úkimet kezekten tys prezıdenttik saılaý ótkizý týraly habardan da qulaǵdar, delingen resmı málimdemede.
