Qazaqstan óziniń biregeı ekonomıkalyq modelin qurýda - qyrǵyz depýtaty
BІShKEK. QazAqparat - Qazaqstan damýynyń ózindik biregeı ekonomıkalyq modelin quryp jatyr. Onyń jeke aspektileri postkeńestik keńistikte júzege asyrylmaǵan bolatyn.
Bul týraly Bishkekte Elbasy Nursultan Nazarbaevtyń Qazaqstan halqyna arnaǵan Joldaýyna baılanysty aıtqan pikirinde Qyrǵyz Respýblıkasy Jogorký Keneshiniń depýtaty Maqsat Sabırov málim etti, dep habarlaıdy QazAqparat.
Onyń paıymynsha, Qazaqstannyń eń aldyńǵy qatarly 30 eldiń quramyna enýge baılanysty qoıylǵan maqsatyna kún ótken saıyn jaqyndap keledi. Bul turǵyda Qazaqstan sońǵy býyndy joǵary tehnologııalyq salalalardy engize otyryp, burynǵy tehnologııalardy damytý úrdisin jalǵastyrýda.
«QR Prezıdenti N. Nazarbaev ekonomıkalyq túrlendirý úshin eń qolaıly sátti tańdap otyr. Munaı baǵasy tıisti deńgeıde kóterilýde. Elderińiz shıkizat eksportynan dıvıdentter ala otyryp, qazirgi kezden bastap ózge de tabys kózi bolatyn salalarǵa daıyndalyp jatyr. Sondyqtan da jańǵyrý baǵdarlamasynda jańa tehnologııalarǵa, sondaı-aq bazalyq salalardy qaıta formattaýǵa ekpin qoıylýda»,-dedi qyrǵyz depýtaty.
Budan bólek ol Joldaýda agroónerkásiptik keshenge erekshe mán berilgenin aıta kele, ony jańǵyrtý azyq-túlik qaýipsizdigin qamtamasyz etýmen qatar, aýyldaǵy áleýmettik problemalardy sheshýge negizdelgenin sóz etti.
«Osy maqsattardy oryndaý úshin Qazaqstanda barlyq qajetti múmkindikter bar. ıAǵnı, elderińizde qunarly egis aýmaqtary jetkilikti. Respýblıkada aýyl sharýashylyǵynda shıkizattyq óndiristen qaıta óńdelgen ónimdi shyǵarýǵa arnalǵan jobalarǵa aıryqsha nazar aýdarylyp otyr. Bul turǵyda jaqyn arada «made in Kazakhstan» belgisimen taýarlardy EAEO elderi aýmaǵynda ǵana emes, sonymen qatar alys shetelde de kóptep kezdestiretinimiz anyq. Munymen qosa AÓK-ti jańǵyrtý arqyly aýyldyq jerlerde eńbekpen qamtý problemasy da sheshilip, agrarlyq sala mamanynyń mártebesin kóteredi»,-dedi Sabırov.
