Qazaqstan ózin fosfor tyńaıtqyshtarymen tolyq qamtamasyz etedi
ASTANA. QazAqparat - Qazaqstandyq hımııalyq ónerkásip kompanııalary 2017 jylǵy qańtar-maýsymda elimizdiń agroónerkásip kesheni kásiporyndarynyń fosforlyq tyńaıtqyshtarǵa degen ishki suranysyn 100 %-ǵa, al azottyq tyńaıtqyshtarǵa degen suranysyn 57,2 %-ǵa qamtamasyz etti, dep habarlaıdy «QazAqparat» HAA energyprom.kz-ke silteme jasap.
Berilgen aqparatqa sáıkes, ústimizdegi jyldyń qańtar-tamyzynda QR hımónerkásip kompanııalary 102,3 myń tonna fosforlyq tyńaıtqyshtar óndirgen (bl byltyrǵymen salystyrǵanda 72,2 %-ǵa kóp), al azottyq tyńaıtqyshtardy 262,1 myń tonnaǵa jetkizgen (+6,2 %). Fosforlyq tyńaıtqyshtar óndirisi derlik tolyǵymen Jambyl oblysynyń úlesine týra keledi. Jambyldyqtar jalpy qazaqstandyq ónimniń 91,8 %-yn quraıtyn 93,9 myń tonna tyńaıtqysh óndirgen (+86,2 %).
Azottyq tyńaıtqyshtar negizinen Mańǵystaý oblysynda óndiriledi - 239,7 myń tonna (+2,4%) nemese respýblıkalyq búkil azottyń 91,5 %-y. Elimizdegi fosfor jáne azottyq tyńaıtqyshtar óndirisiniń kópjyldyq dınamıkasynda turaqty ósý baıqalyp otyr. Atap aıtqanda, 2015 jylmen salystyrǵanda 2016 jyly azottyq tyńaıtqyshtar óndirisi 12,1 %-ǵa (348,5 myń tonnaǵa deıin), fosforlyq tyńaıtqyshtar óndirisi 1,8 %-ǵa (94,9 myń tonnaǵa deıin) artqan.
