Qazaqstan ózgeristerge daıyn TOP-20 eldiń qataryna endi
ASTANA. 24 qyrkúıek. QazAqparat - Bıylǵy jyly elimiz ózgeristerge daıyn jıyrmalyqtyń qataryna endi. Mundaı nátıje osymen ekinshi jyl júrgizilip jatqan «Ózgeristerge daıyndyq ındeksi-2013» zertteý esebinde kórsetilgen. Bul ındeksti KPMG International kompanııasy OxfordEconomics-pen birlesip qurastyrady, dep habarlady QR Ekonomıka jáne bıýdjettik josparlaý mınıstrliginiń baspasóz qyzmetinen.
2012 jylmen salystyrǵanda, osy tizimge qosylǵandar sany 50 paıyzdan asyp, 90-ǵa jetken. Úzdik bestikke Sıngapýr, Shvetsııa, Katar, Jańa Zelandııa men Germanııa syndy tabys deńgeıi joǵary elder engen. Bul tizimdi Venesýela, Kongo Demokratııalyq Respýblıkasy, Aýǵanstan tuıyqtaıdy. Qazaqstan Ulybrıtanııa, Frantsııa, Ońtústik Koreıa jáne basqa da damyǵan eldermen qatar, Panama men Ispanııanyń arasynda 20-shy orynda. Ortasha tabys tobynda Qazaqstan 27 eldiń arasynda tórtinshi orynda. Shyǵys Eýropa men Ortalyq Azııa tobynda elimiz ekinshi orynda tur.
Ózgeristerge daıyndyq degen ne? Atalǵan ındekske eldiń múmkindigi onyń úkimetiniń, jekemenshik jáne memlekettik mekemeler, adamdar men keń aýqymdy uıymdardyń azamattyq qoǵamynyń ózgeristerdi qabyldap, áser etýi, sonymen qatar, oǵan tez daǵdylaný qabileti jatady. ıAǵnı, bul reıtıng qaı elderdiń aýqymdy ózgeristerge, apattyq jaǵdaılarǵa qanshalyqty tózimdi ekenin, ári osyndaı jaǵdaılarda óz múmkindikterin qanshalyqty qoldaný múmkindigine ıe ekendigin jáne ol ózgeristerdi qalaı basqaratynyn kórsetedi.
