Qazaqstan Ózbekstanmen birlesip munaı ónimderin jetkizý boıynsha kásiporyndar ashpaq
«Biz Ortalyq Azııa memleketteri yntymaqtastyǵynyń ózara qolaıly joldary men formattaryn izdestirýdi jalǵastyrýdamyz. Bıylǵy 12 qyrkúıekte Memleket basshysynyń Samarqandqa sapary saýda-ekonomıkalyq jáne basqa da salalarda ózara is-qımyl boıynsha jańa múmkindikterdi ashty. Osydan keıin jalǵasqan úkimettik delegatsııalardyń ózara saparlary jáne ótkizilgen kelissózder bizdiń ońtústik kórshimen ekonomıkalyq yntymaqtastyqty ary qaraı tereńdetýde ózindik optımızmdi uıalatady. Atap aıtqanda, munaı, munaı ónimderin, avtokólik, mashına qurylysy jáne basqa da salalarda birlesken kásiporyndar nemese saýda úılerin ashý týraly kelisimderge qol jetkizildi», - dedi mınıstr.
Munymen qosa E. Ydyrysov qazaqstandyq tarap 2017-2021 jyldardaǵy kezeńge Ózbekstanmen Ekonomıkalyq yntymaqtastyqtyń úkimetaralyq strategııasyn ázirlep, oǵan qol qoıý qajettigimen keliskenin atap ótti.
