Qazaqstan Ózbekstanǵa eń kóp elektromobıl eksporttaǵan elderdiń úshtigine endi

TAShKENT. KAZINFORM – 2024 jyly Ózbekstan shet elderden 24 myńnan astam elektromobıl ımporttady.

Statıstıka agenttiginiń málimetinshe, byltyr ımport 8 myń kólikke, ıaǵnı 1,5 ese ósti. Ákelingen temir tulparlardyń jalpy quny 224,8 mln dollarǵa baǵalandy.

Bul rette ımporttyń 99% Qytaıdyń úlesinde (23 982 kólik). Odan keıingi oryndarda Qazaqstan (51 kólik), Gonkong (17 kólik) jáne Germanııa (15 kólik) tur.

Eske salsaq, buǵan deıin Ózbekstan jeńil kóliktiń 80 paıyzyn Qytaıdan ımporttap jatqanyn jazyp edik. Byltyr kórshiles memleketke shet elderden 1,28 mlrd dollarǵa baǵalanǵan 74,7 myń jeńil kólik ákelingen.

Sonymen qatar, jyl sońyna qaraı Ózbekstanda AI-80 markaly benzınin satýǵa shekteý qoıylmaq.