Qazaqstan Ózbekstanǵa birikken ekonomıkalyq aımaqtar qurýdy usyndy
TAShKENT. QazAqparat - Tashkentte ótken qazaq-ózbek bıznes-forýmynyń aıasynda Qazaqstannyń Ózbekstandaǵy Elshisi Erik Ótembaev birikken ekonomıkalyq aımaqtar qurý qajettigin aıtty, dep habarlaıdy «QazAqparat» HAA-nyń menshikti tilshisi.
Erik Ótembaev eki eldiń ekonomıkalyq baılanystarynyń damyp kele jatqanyn tilge tıek etip, Ońtústik Qazaqstan, Qyzylorda, Aqtóbe, Mańǵystaý baǵyttarynda birikken kooperatsııalar men ındýstrıaldyq-ekonomıkalyq aımaqtar qurýdyń zaman talaby ekenin aıtty.
Budan tys, Erik Ótembaev eki memleket basshylarynyń eki el arasyndaǵy saýda aınalymyn 5 mlrd dollarǵa jetkizý jaıynda alǵa qoıǵan mindetin oryndaýdyń mańyzyna toqtaldy. «Eki el basshylary kelesi jyly Qazaqstan men Ózbekstan arasynda alǵashqy iri óńiraralyq forým ótkizýdi tapsyrdy. Mundaı iri forým eki el baılanystary tarıhynda buryn bolyp kórgen emes. Onyń aıasynda Qazaqstannyń on alty ákimi men Ózbekstannyń on tórt ákimi óńiraralyq yntymaqtastyqty damytý boıynsha ózara naqty sharalar josparyn kelisedi», - dedi QR Elshisi.
