Qazaqstan Ózbekstanǵa aı saıyn 20-30 tonna shaı jetkizip otyrmaq

ASTANA. KAZINFORM — Astanada ótken qazaq-ózbek bıznes forýmynda 43,5 mln dollardyń qujatyna qol qoıyldy. Іs-sharaǵa qos taraptan 400-den astam adam qatysty.  

Forým aıasynda qazaqstandyq jáne ózbekstandyq kásipkerler V2V formatynda ekijaqty kezdesýler ótkizip, agroónerkásiptik keshen, saýda, jeńil jáne tamaq ónerkásibi, qurylys jáne taǵy basqa salalardaǵy yntymaqtastyq máselelerin talqylady.

Bıznes forýmy barysynda lıft ındýstrııasy salasyndaǵy yntymaqtastyq týraly memorandýmǵa qol qoıyldy.

Qazaqstannyń lıfter ulttyq qaýymdastyǵynyń prezıdenti Erjan Igibaev ózbek áriptesterimen birlesken kásiporyn ashýǵa kelistik deıdi.

«Forým aıasynda lıft óndirisi boıynsha birlesken qazaq-ózbek kásipornyn qurýdy qamtıtyn yntymaqtastyq týraly memorandýmǵa qol qoıdyq. Sondaı-aq, Qazaqstannyń lıft parkin dıagnostıkalaý úshin dıspetcherlik ortalyq qurýǵa jáne lıft salasyndaǵy qyzmetterdiń sapasyn arttyratyn biryńǵaı standarttar men tehnıkalyq reglament ázirleýge kelistik», — deıdi ol. 

Ózbekstandyq kásipker, «Tehnopark» JShQ bas dırektory Sarvar Ahadov lıft shyǵarý salasynda tájirıbe almasýǵa daıyn ekenin aıtty.

«Eýropalyq standartpen lıft pen dıspetcherlik júıe óndirý salasyndaǵy tájirıbe almasýǵa qýanyshtymyz. Jaqyn arada óndiristi bastaý úshin kólemi men aýmaǵyn anyqtaımyz. Búgin biz gazdy avtomattandyrylǵan esepke alý júıesin engizý jáne Qazaqstanda lıft óndirý týraly eki kelisimge qol qoıdyq. 18 aıda atalǵan jobalardy júzege asyrý josparlanyp otyr», — deıdi Sarvar Ahadov. 

Sondaı-aq, kórshi eldi shaımen qamtý kózdelip otyr.

Qazaqstandyq Unitea shaı fabrıkasy Ózbekstannyń eń iri saýda jelisi «Korzınka» kompanııasymen aı saıyn 20-30 tonna shaı jetkizý týraly memorandýmǵa qol qoıdy.

Búginde kompanııa Reseı, Qytaı jáne Qyrǵyzstandy qosa alǵanda, syrtqy naryqta óz kásibin júrgizip otyr.

2023 jyldyń qorytyndysy boıynsha eki el arasyndaǵy taýar aınalymy 4,4 mıllıard AQSh dollaryna jetti.

Ózbekstan Qazaqstannyń eń iri saýda seriktesteriniń biri bolyp qala beredi.

2023 jyldyń qorytyndysy boıynsha 7-shi orynda jáne Qazaqstannyń Ortalyq Azııamen taýar aınalymynyń 57%-dan astamy osy elge tıesili.