Qazaqstan-Ózbekstan vıtse-premerleri yntymaqtastyq memorandýmyna qol qoıdy
Plenarlyq otyrysta eki eldiń oblys jáne qala ákimderi arasynda birlesken memorandým túzildi. Kezdesý barysynda QR Premer-Mınıstriniń birinshi orynbasary Asqar Mámın Qazaqstandaǵy Ózbekstan jyly tabysty aıaqtalýǵa jaqyn ekenin atap ótti.
«2018 jyl áriptestikti damytý is-sharalarymen este qalyp otyr. Qazaqstandaǵy Ózbekstan jyly saýda-ekonomıkalyq jáne mádenı baılanystardy nyǵaıtýǵa kóp úles qosty. Bul maqsatta kóptegen is-sharalar ótti. 9 aıda saýda taýar aınalymynyń kólemi 2 mlrd AQSh dollarynan asty. ıAǵnı, 40 paıyzǵa ulǵaıyp otyr. Bul kórsetkishti odan ári kóbeıtýdi kózdep otyrmyz. Mine, eń alǵashqy forým da Shymkentte ótip jatyr. Qalanyń respýblıkalyq mártebe alýy bul bastamalardy odan ári nyǵaıtýǵa jańa serpilis beredi dep oılaımyn. Jalpy, túzilgen memorandým ekonomıkanyń túrli salalaryn damytýǵa zor úles qosady dep senemiz. Eki eldiń Úkimeti taýar aınalymdy kelesi jylǵa 5 mlrd AQSh dollaryna jetkizýdi kózdep otyr», - dedi QR Premer-Mınıstriniń birinshi orynbasary.
Óńiraralyq forýmnyń mańyzy - saýdanyń rólin kúsheıtý men ekonomıkalyq áriptestikti, saýda qatynastaryn aımaqtar arasynda damytýǵa serpin berý boldy. Taraptar Qazaqstan men Ózbekstan Orta Azııadaǵy ekonomıkany damytýdyń lokomotıvine aınalýy tıis ekenin tilge tıek etti. Al, túrli ıdeıaldar men jobalardyń talqylanýy, kelisimder jasaýy - bul eki eldiń ekonomıkasyna zor serpin bermek. Sondaı-aq, endigi rette kólik dálizderin, ınfraqurylymdy jáne tsıfrlyq tehnologııalardy birlese damytý josparlanýda. Óz kezeginde Ózbekstan Úkimet basshysynyń birinishi orynbasary Achılbaı Ramatov bul pikirdi tolyq qýattady.
«Ózbekstan Úkimetiniń atynan zor alǵysymdy bildiremin. Bul forým tek qana saýda-ekonomıkalyq qatynastardy, ónerkásip ındýstrııasyn damytý ǵana emes, eki eldiń týystyq-qarym qatynastaryn, mádenı-rýhanı baılanystardy da arttyrady. Qazaqstan - bizdiń basty strategııalyq seriktesimiz. Bizdiń dostyq qarym-qatynasymyz nyǵaıyp keledi. Bir jyldyń ishinde bizdiń elimiz ekonomıkanyń túrli salalarynda jetistikke jetti. 2018 jyly taýar aınalymy ósti. Áli de jyl sońyna deıin 3 mlrd dollarǵa jetkizýge múmkindik bar. Bul - naqty meje. Buǵan deıingi ótken bıznes-forým da óz jemisin berdi», - dedi Achılbaı Ramatov.
Kezdesýge qatysqandar Shymkent pen Tashkent qalalary birlese damytýǵa ýaǵdalasty. Bul rette shym shahardyń ákimi Ǵabıdolla Ábdirahymov alǵashqy forýmnyń Shymkentte ótip jatqanyna alǵysyn aıtyp, kórshiles qos megapolıs qalanyń birlese damıtynyna senim bildirdi.
«Alǵashqy forýmnyń Shymkentte ótip jatqany - biz úshin úlken mártebe. 15 naýryzda Astana qalasynan bastalǵan Qazaqstandaǵy Ózbekstan jyly kóptegen is-sharalarǵa uıytqy boldy. Elbasy atap ótkendeı, Ózbekstan bizdiń basty strategııalyq áriptes elderdiń biri. Basty kelisim - ol eki eldiń dostyǵy jáne strategııalyq áriptestigi. Shymkent pen Tashkent birlese damı bermek. Eń bastysy, eki megapolıs qalanyń arasy bar-joǵy 100 shaqyrymnan sál asady. Bul bizge birlese damýǵa zor múmkindik beredi», - dedi Ǵabıdolla Rahmatollauly.
Jıyn sońynda Asqar Mamın men Alchıbaı Ramatov yntymaqtastyqty damytý boıynsha memorandýmǵa qol qoıdy. Shymkent qalasy ákimi Ǵabıdolla Ábdirahymov pen Jyzaq oblysynyń ákimi Ergash Solıev te áriptestikti damytý boıynsha memorandým túzdi.
Aıta keteıik, óńiraralyq alǵashqy forým barysynda eki taraptyń aýyl sharýashylyǵy tehnıkalary, ónerkásip, jeńil jáne taǵam ónerkásibi, qurylys, jıhaz óndirisiniń kórmesi ótti. Kópshilik nazaryna asyl tuqymdy sharýashylyq, toqyma buıymdary, farmatsevtıka ónimderi usynyldy.
